TIRANE - Miratimi i disa taksave te reja ne sektorin e ndertimit eshte shoqeruar me debate dje ne Komisionin parlamentar te Ekonomise, i cili i ka miratuar parimisht ato. Rritja e takses se infrastruktures nga 4 per qind ne 6 per qind dhe pagesa e taksave per ndertesat jo sipas vitit te ndertimit, por per meter katror, eshte kundershtuar nga deputetet socialiste ne Komisionin e Ekonomise. Ish-ministri i Financave, Arben Malaj, tha se, me pare se te merrte vendime te tilla, qeveria duhet te ishte keshilluar me grupet e interesit, pasi keto taksa risin barren fiskale te aktivitetit ne sektorin e ndertimit. Ndersa zv/ministri i Financave, Florion Mima, tha se projektligjet e reja ne kete drejtim jane ne pershtatje te cmimeve te tregut te banesave dhe per me teper jane konform krijimit te nje legjislacioni modern ne kete sektor. Keshtu, sipas projektit te qeverise, te gjitha banesat brenda unazes do te paguajne 65 leke per meter katrore takse, nderkohe qe ato qe ndodhen jashte unazes do te kene 45 leke takse. Nderkohe qe bashkite e tjera do te paguajne nje takse qe varion nga 12 ne 24 leke per meter katror. Ne nivelet e reja te taksave per ndertesat eshte hequr ndarja e tatimit te ndertesave sipas vitit te ndertimit, para dhe pas vitit 1993, duke parashikuar nje metode tjeter te percaktimit te takses qe do te jete per meter katror. Ministria e Financave ka sqaruar se ne percaktimin e niveleve te reja te kesaj takse jane analizuar vlerat e takses aktuale me cmimet reale te shitjes se banesave. Ne rastin e Tiranes cmimi mesatar i shitjes se ndertesave eshte 500-1200 euro per meter katror, ndersa niveli i takses se pasurise eshte shume i ulet, vetem 5 leke per meter katror. Pervec takses se banesave, drafti parashikon edhe vendosjen e nje takse te re per infrastrukturen ne masen 6 per qind per Tiranen dhe 4 per qind per bashkite e tjera qe do te zbatohet te ndertimet e reja.

Taksat e reja qe jane vene ne sektorin e pasurive te paluajtshme duhet te ishin konsultuar me pare me grupet e interesit, per shkak se kostos qe krijon ne aktivitetin e ndertimit, tha ish-ministri i Financave, Arben Malaj dhe njekohesisht nenkryetar i Komisionit te Ekonomise. Ai tha se, qeveria me keto vendime perkeqeson klimen e biznesit.

Projektvendimit e fundit te qeverise jane konsultuar me pare me grupet e interesit, tha zv/ministri i Financave, Florion Mima. Sipas tij, rishikimi i taksave ne pasurite e paluajtshme i eshte pergjigjur zhvillimit te tregut te pasurive te paluajtshme. Sipas tij, cmimi i shitjes se banesave jane shume me te larta se norma e taksimit, cka le vend per deformime.

Taksa e infrastruktures

Ishte 4% per Bashkine e Tiranes u be 6%

Ishte 2% per komunat dhe rrethet e tjera u be 5%

Taksa e Banesave

Ne Tirane ishte 15-30 leke u be 45-65 leke

Reagon shoqata e ndertuesve

Nese miratohen taksat, rritja e cmimeve e pashmangshme

Vendimi i qeverise per te rritur taksat ne sektorin e ndertimit e kane shqetesuar komunitetin e ndertuesve. Pak dite me pare, ata kane kundershtuar vendimin e qeverise, pasi prek ne menyre te ndjeshme interesat e industrise se ndertimit dhe per teper taksat jane rritur pa u konsultuar me pare me kete komunitet. Sektori i ndertimit po detyrohet te kaloje ne nje krize te thelle, per shkak te faktoreve qe nuk varen nga ai, por nga politikat fiskale aspak te drejta qe ndermerren ndaj tij, deklaruan ndertuesit. Ne projektligjin e qeverise jane parashikuar aplikimi ne rritje i tri taksave, per te cilat kerkohet parapagim, duke rritur ne menyre te ndjeshme kostot e ndertimit dhe duke ulur aftesite financiare praktike te biznesit. “Me kete rritje te detyruar te cmimeve per shkak te politikave fiskale aspak te favorshme deklarojme qe strehimi ne Tirane, por dhe ne rrethe do te jete i pamundur per qytetaret”, deklaruan ndertuesit. Me se shumti ato jane shprehur kunder rritjes se nivelit te takses se ndikimit ne infrastrukture nga 4 ne 6 per qind, rritjes se takses se regjistrimit te pervitshem te mjeteve si dhe futjes se nje detyrimi te ri dhe takses se truallit urban, te cilat, sipas tyre, do te risin cmimin e ndertesave.

Pasurite e paluajtshme, taksat ne reforme

Sistemi i taksave ne sektorin e pasurive te paluajtshme ne vendin tone eshte ne fazen fillestare ne krahasim me vende te tjera te zhvilluara. Per kete qellim ne strategjine fiskale te qeverise ne tre vitet ne vazhdim eshte programuar rregullimi i taksave ne sektorin “Real Estate”. Sipas projektit, taksat e pasurive te paluajtshme ne teresi do te rriten dhe do te kete edhe taksa te reja. Nje nder arsyer pse vemendja e tregut nderkombetar te pasurive eshte kthyer nga Shqiperia eshte per shkak te mungeses se disa taksave ne kete sektor, ose nivelit te ulet te tyre.