“Vodafone Albania” ul deri në 26 për qind tarifat

Berisha i fal Taçit tregun e naftës në Shqipëri

Nga Fitim ZekthiShoqata e Shoqërive të Hidrokarbureve ka protestuar dje ashpër me anë të një letre drejtuar kryeministrit, Sali Berisha, për monopolin që ky i fundit po i jep “Taçi Oil” në tregtimin i vetëm të naftës D2. »»

“Vodafone Albania” ul deri në 26 për qind tarifat

06.09.2008 12:05 Biznesi - Burimi: Metropol Biznesi

Për klientët e Vodafone Card

Kompania e telefonisë celulare “Vodafone Albania” ka njoftuar se do të ulë deri në 26 për qind tarifat për të gjithë klientët e saj “Vodafon Card”. Sipas burimeve zyrtare pranë kësaj kompanie, u bë e ditur se tashmë është hartuar edhe strategjia për zbatimin e planeve të reja tarifore. Këto plane tarifore do të prezantohen shumë shpejt edhe për publikun e gjerë, ndërsa prezantimi për mediat do të bëhet nga vetë drejtori Ekzekutiv i kompanisë “Vodafone Albania”. Bëhet e ditur se strategjia e kompanisë në zbatimin e planeve të reja tarifore, por zhvillimet e fundit në tregun e telefonisë celulare në vendin tonë do të jenë në qendër të një takimi me mediat, ku do të diskutohet edhe në lidhje me përgjegjshmërinë e biznesit ndaj zbatimit të ligjit. Kompanitë celulare që ushtrojnë veprimtarinë e tyre në vendin tonë duhet që deri më 15 shtator të zbatojnë metodologjinë e re të rregullimit të tarifave të OFNT-së, për telefoninë celulare, miratuar me vendim të Këshillit të Ministrave në muajin korrik. Në qershor të këtij viti u miratua ligji i ri i komunikimeve elektronike. Metodologjia ka hyrë në fuqi që nga data 1 shtator dhe pritet që brenda 15 shtatorit të gjithë qytetarët që kanë një telefon celular do të paguajnë 20 për qind më pak.

Artikullin origjinal mund ta lexoni ketu

lajme.parajsa.com