Serbia, Kroacia e Sllovenia me hekurudhë të përbashkët

Vendimet strategjike të menaxhmentit si puna 24 orë, shtimi i numrit të fluturimeve për 17 përqind në gjashtëmujor, rritja e numrit të udhëtarëve dhe hapja e terminalit VIP, kanë shtuar jashtëzakonisht shumë punën ne aeroport, ndërkohë që numri i punëtorëve aktualisht është i njëjtë sikurse në vitin 2006 kur janë shërbyer vetëm 880 mijë udhëtarë. Tani, stafi i ANP-së shërben 400 mijë udhëtarë më shumë apo 1 milion e 250 mijë udhëtarë në vit. Aeroporti Ndërkombëtarë i Prishtinës ka vendosur që të iu ofrojë kontrata katërmujore  rreth 120 punëtorëve sezonalë, për  shkak të  rritjes enorme të volumit të punës në kompani, në të gjithë sektorët, me qëllim të mbajtjes së shërbimeve ndaj udhëtarëve dhe kompanive në nivelin e duhur. "Janë rreth 400 mijë udhëtarë më shumë se në vitin 2006 të cilët shërbehen nga stafi i kompanisë, ndërkohë që numri i punëtorëve ka mbetur i njëjtë. Është i pamundur vazhdimi i punës në aeroport me numër të njëjtë të punëtorëve. Shërbimet ndaj udhëtarëve dhe kompanive gjatë këtyre muajve, sidomos në qershor dhe korrik u vunë në pozita kritike, gjë që detyroi menaxhmentin të marrë një vendim të tillë për punësimin e punëtorëve sezonalë", tha koordinatori për marrëdhënie me jashtë i ANP-së, Altin Ahmeti. Sipas tij, që nga fillimi i punës edhe në ndërrimin e tretë, apo 24 orë punë, vendim që ka rezultuar shumë i suksesshëm për shkak se tani rregullisht në këtë orar fluturojnë 3 kompani, ndërsa gjatë vikendeve ka nga 7 fluturime, lindi nevoja për punësimin e punëtorëve të rinj. " Prej muajit prill, kur në aeroport filloi puna 24 orë, punëtorët ekzistues në operativë kanë punuar pa pushim gjatë vikendeve dhe duke tejkaluar orët zyrtare të punës, 172 orë të rregullta në muaj dhe 40 orë over-time me pagesë (orë shtesë me pagesë). Pranimi i punëtorëve sezonal me kontrata katërmujore është bërë konform të gjitha rregullave dhe ligjeve të Republikës së Kosovës. Gjatë muajit prill qe shpallur konkursi nga ana e kompanisë, konkurs në të cilin konkurruan rreth 4 mijë persona, ndërsa procesit të intervistimit i janë nënshtruar  rreth 500 persona gjatë muajve maj dhe qershor. 120 punëtorët e pranuar në Aeroportin Ndërkombëtar të Prishtinës do të punojnë në të gjitha sektorët, bagazh, sigurim, restorante, mirëmbajtje, stjuardesa etj.
N. KRASNIQI