Berisha: Vini në përdorim letrat me vlerë

Komisioni për Mbikëqyrjen e Financave Publike në Kuvendin e Kosovës, i udhëhequr nga deputeti nga radhët e AAK-së, Haki Shatri, ka kërkuar nga Auditori Gjeneral i Kosovës që të anulojë konkursin për përzgjedhjen e një auditori të jashtëm për të bërë auditimin e këtij institucioni, pasi që kjo është në kundërshtim me ligjet në fuqi. Sipas Ligjit për Themelimin e Zyrës së Auditorit të Përgjithshëm dhe Zyrës së Auditimit të Kosovës, përkatësisht në nenin 6, përzgjedhjen dhe emërimin e auditorit për të kryer auditimin e Auditorit të Përgjithshëm të Kosovës duhet ta bëjë Kuvendi i Kosovës, kështu që Kryesisë së Kuvendit të Kosovës ky komision i ka rekomanduar që të bëjë shpalljen e konkursit për të përzgjedhur një auditor që do të bënte auditimin e ZAP-it.
Sipas shumicës së anëtarëve të këtij komisioni parlamentar, Auditori i Përgjithshëm, me rastin e shpalljes së konkursit, si dhe përzgjedhjes së tre ofertueseve për të kryer auditimin e tij, ka vepruar në kundërshtim me nenin e 6 të Ligjit mbi auditorin gjeneral, i cili në mënyrë të qartë thotë: "Llogaritë, dokumentet dhe deklaratat financiare të Zyrës së Auditimit të Kosovës do të auditohen nga auditorë të jashtëm të pavarur, të cilët janë të mirënjohur ndërkombëtarisht dhe të cilët zgjidhen dhe emërohen nga Kuvendi i Republikës së Kosovës. Kuvendi i Republikës së Kosovës mund ti shkarkojë këta auditorë të jashtëm nëse ka arsye të mira për ta bërë këtë. Një auditor i jashtëm nuk mund të shfrytëzohet më shumë se pesë vite të njëpasnjëshme"�.

Koci: Emërimet
të bëhen në Kuvend
Deputeti Gani Koci, anëtar i këtij komisioni nga radhët e PDK-së, tha se i gjithë procesi i ndjekur nga Zyra e Auditorit të Përgjithshëm për përzgjedhjen e një auditori të jashtëm për auditimin e tij është në kundërshtim me ligjin.
"I gjithë procesi i përzgjedhjes së tyre, emërimit të tyre duhet të bëhet në Kuvend dhe jo në Zyrën e Auditorit të Përgjithshëm. Prandaj, i gjithë ky proces konsideroj nga ZAP-i është bërë gabimisht, është bërë në kundërshtim me ligjin për ZAP-in, respektivisht në kundërshtim me nenin 6 të ligjit përkatës"�, u shpreh deputeti Koci.
Ai tha se Kuvendi i Kosovës e ka paraparë edhe në buxhetin e tij për këtë vit për përzgjedhjen e një auditori të jashtëm për të kryer auditimin e Auditorit të Përgjithshëm.
"Kjo kërkesë e Zyrës së Auditorit të Përgjithshëm është e paarsyeshme dhe i gjithë procesi që është zhvilluar nga ZAP-i është në kundërshtim me ligjin dhe tërë ky proces duhet të zhvendoset në Kuvendin e Kosovës"�, tha Koci.
Ndërsa, anëtari tjetër i këtij komisioni, Riza Smaka, nga grupi i AKR-së, procesin e iniciuar nga ZAP-i për përzgjedhjen e një auditori të jashtëm, e ka quajtur konflikt interesi.
"Nuk them se përzgjedhja që ka bërë Zyra e Auditorit është e dobët, por duhet të kemi parasysh që kjo çështje mund të shihet si konflikt interesi. Prandaj, kjo çështje duhet të bartet në Kryesinë e Kuvendit"�, tha deputeti Smaka.

Olofson: Nuk e
shkelëm ligjin
Ndërkaq, Auditori Gjeneral, Lars Lage Olofson, tha se ia ka ofruar mbështetjen e tij këtij komisioni. Sipas tij, puna që ka bërë ZAP-i nuk e shkel ligjin, pasi që ligji nuk e parasheh qartë se si duhet të arrihet ky proces. "Unë i kam ofruar mbështetjen time këtij komisioni. Por, me asnjë qëllim që të përzihemi apo të kemi ndonjë konflikt interesi në këtë përzgjedhje apo emërim. Ne kemi filluar me këtë proces të prokurimit dhe ne tani i kemi tre ofertues të përgjegjshëm në Kosovë, duhet të merren parasysh vetëm tre ofertues të përgjegjshëm, nuk mund ti kemi më tepër"�, tha auditori Lage Olofson.
Ai shtoi se ZAP-i i ka përzgjedhur vetëm ata të cilët i kanë përmbushur kriteret e përcaktuara me ligj dhe ato tani i janë dorëzuar komisionit.
"Ne nuk i kemi emëruar apo kemi përzgjedhur ne po ua ofrojmë mundësinë juve që ta bëni këtë. Nuk është thyerje e ligjit apo në kundërshtim me ligjin, pasi ligji nuk e përcakton mënyrën se si duhet të arrihet deri këtu. Dëshiroj të nxis këtë komision që të mendojë më shumë dhe mos ta shtyjë edhe me tutje këtë problem, që mos të vijë puna që të kemi më pak pikë në raportin vjetor të progresit që vjen nga Bashkimi Evropian"�, tha Olofson.
N. Krasniqi