Buxhuku: Shteti të ndërhyj për "kartelin"� e karburanteve

Përkundër premtimeve të vazhdueshme, Divizioni i Distribucionit, deri më tani, nuk është regjistruar si kompani e veçantë nga Korporata Energjetike e Kosovës. Vetë ministri i Ekonomisë dhe i Financave, Ahmet Shala, para Komisionit parlamentar për energjetikë, pati premtuar se Distribucioni do të ndahet më së voni deri në fund të marsit. Por, tash jemi në muajin korrik dhe ende nuk është ndarë KEK-u, proces i cili i paraprin privatizimit të distribucionit. Por, zyrtarët e Ministrisë së Ekonomisë dhe të Financave thonë se shumë shpejt pritet të formohet bordi i kompanisë së re. “Me kompletimin e bordit do të regjistrohet kompania si e veçantë nga KEK-u”�, tha për “Kosova Sot”� Ramadan Sejdiu, drejtor i njësisë për monitorimin e ndërmarrjeve publike, që vepron në kuadër të MEF-it. “Zgjedhja e bordit të ri të kompanisë së re pritet të bëhet në mbledhjet e para të Qeverisë.”�
Zëdhënësi i Korporatës Energjetike të Kosovës, Viktor Buzhala, ka konfirmuar për “Kosova Sot”�, se Distribucioni ende nuk është regjistruar si kompani e veçantë.
Nga ana e KEK-ut, sipas Buzhalës janë përfunduar të gjitha punët rreth shthurjes, ristrukturimit. “Ne e kemi përfunduar fazën e shthurjes së distribucionit nga KEK-u”�, tha Buzhala. Sipas tij, deri më tani është bërë shthurja juridike dhe financiare e distribucionit, pra janë ndarë bilancet.
Një nga pikat më të nxehta sa i përket ndarjes së Distribucionit nga KEK-u është fati i borxhit që konsumatorët i kanë KEK-ut. Edhe për këtë pyetje tonën MEF-i nuk ka përgjigje. Zëdhënësi i KEK-ut, Buzhala, thotë se çështja borxheve është në kompetencën e aksionarit të kompanisë, gjegjësisht Qeverisë së Kosovës.
Sa  përket aspektit të ndarjes financiare, Ramadan Sejdiu, drejtori i njësisë për monitorimin e NP-ve, thotë se është duke u punuar në mënyrë intensive për këtë çështje që të kryhet sa më shpejt.

Selmanaj fajëson
KEK-un dhe MEF-in
Ndërsa, kryetarja e Komisionit parlamentar për energjetikë, Myzejne Selmanaj, për ”Kosova Sot' ka thënë se KEK-u dhe MEF-i janë fajtorët kryesorë për vonesat në ndarjen e distribucionit. “Sipas të gjitha gjasave ata e kanë bërë një shthurje akoma jo në “amballding”� juridik dhe financiar, sepse Qeveria çdo gjë që po bën në KEK-u, po e bën në mënyrë të fshehtë. Asgjë s'është transparente”�, thotë Selmanaj.
Ligji për ndërmarrjet publike e parasheh krijimin e ndërmarrjeve të reja publike. 
“Çdo ndërmarrje e re publike mund të themelohet vetëm nëse kjo autorizohet me një vendim të Qeverisë”�, thuhet në ligjin për ndërmarrjet publike, i cili ka hyrë në fuqi në qershor të vitit 2008.
Qeveria e Kosovës, në mbledhjen e 17 shtatorit 2008, ka obliguar KEK-un që të vazhdojë me ristrukturimin e KEK-ut në përputhje me strategjinë energjetike të Kosovës.
“Afati përfundimtar për ristrukturimin e KEK-ut është data 31 mars 2009, në përputhje me politikat e Qeverisë së Republikës së Kosovës”�, thuhet në vendimin e Qeverisë së Republikës.
Edhe në dokumentet që MEF-i i ka dorëzuar Kuvendit në muajin nëntor, rreth ristrukturimit dhe privatizimit të KEK-ut, thuhet se ristrukturimi financiar i divizioneve të minierave, gjenerimit, rrjetit të distribucionit dhe furnizimit duhet të përfundojë deri më 31 dhjetor 2008.
V. Prebreza