Bush: Hamasi shkaktar i gjendjes në Gazë

Për herë të parë që nga fillimi i ofensivës ushtarake në Gazë, presidenti Xhorxh Bush foli në një konferencë shtypi të transmetuar me televizion, ku ai u shpreh edhe për Lindjen e Mesme. Presidenti nuk bëri komente gjatë javës së parë të operacionit ushtarak të Izraelit. »»

Dënimi kapital, ekzekutimet në rritje

26.07.2008 01:36 Bota - Burimi: SHQIP Bota

Abrogimi i dënimit me vdekje këtë vit ka shënuar një hap të rëndësishëm në tërë botën, por në total shifrat e ekzekutimeve vazhdojnë të rriten, kjo për shkak të dënimeve kapitale në Iran dhe Arabinë Saudite. Sipas një raporti të organizatave joqeveritare, në Iran ekzekutimet janë rritur me një të tretën, ndërsa në Arabinë Saudite janë katërfishuar. Si përfundim, në 2007-ën janë regjistruar të paktën 5851 ekzekutime, kundrejt 5635 ekzekutimeve të 2006-ës. Azia konfirmohet si kontinenti që praktikon thuajse në tërësi dënimin me vdekje. Në Kinë janë regjistruar të paktën 5 mijë ekzekutime gjatë 2007-ës, shifër kjo që gjithsesi është më e ulët se një vit më parë. Në tërë kontinentin aziatik, gjatë vitit të shkuar, ka pasur të paktën 5782 ekzekutime. Kontinenti amerikan nuk e aplikon më dënimin me vdekje, me përjashtim të Shteteve të Bashkuara të Amerikës, që gjatë 2007-ës ka ekzekutuar 42 persona. Në Afrikë, vitin e kaluar, dënime me vdekje janë kryer në shtatë vende: Botsvana, Egjipt, Etiopi, Guinenë Ekuatoriale, Libi, Somali dhe Sudan. Ndërsa në Evropë bën përjashtim vetëm Bjellorusia. Të paktën një ekzekutim është kryer atje në 2007-ën dhe tre të tjerë në muajt e parë të 2008-ës.

Artikullin origjinal mund ta lexoni ketu

lajme.parajsa.com