Klinton e para në Virxhinian Perëndimore

Edukata zgjedhore dhe mediat në ShBA

Pesha dhe mundësia e zgjedhjes së përfaqësuesit të duhur: Reflektime“E mira e kësaj meseleje politike është se ne s'jemi vetëm në botë. Që nga demokracitë më në zë, tek ato më të reja e të pavërteta, njerëzit gabojnë në zgjedhjen e udhëheqësve. Dhe t'u tregosh shqiptarëve se çfarë dëmesh të pandreqshme sjell një zgjedhje e gabuar e politikanëve, është paradoksale në shumë plane dhe e tepërt. E sidoqoftë, kush më rregullisht se shqiptarët e më fort se ata, ka gabuar në këtë plan?...” »»

Klinton e para në Virxhinian Perëndimore

15.05.2008 19:22 Bota - Burimi: SHQIP Bota

Kandidatja demokrate për president, Hillari Klinton, u zotua sërish se do të vazhdojë betejën për të siguruar emërimin e partisë së saj për në zgjedhjet e përgjithshme të nëntorit. Senatorja Klinton e bëri këtë premtim pas një fitoreje me shumicë dërmuese votash, megjithatë simbolike, ndaj rivalit të saj Barak Obama, në shtetin amerikan të Virxhinias Perëndimore. Klinton u tha përkrahësve në kryeqytetin e shtetit, Çarlston, se ajo është më e vendosur se kurrë më parë për të vazhduar fushatën në zgjedhjet e mbetura paraprake në 5 shtete amerikane. Ekspertët thonë se edhe me këtë fitore vendimtare në Virxhinian Perëndimore, senatorja Klinton nuk do të ndikojë te vrulli që ka marrë senatori Obama për të siguruar emërimin e Partisë Demokrate. Por ekipi zgjedhor i Hillari Klinton shpreson që fitorja e djeshme do të bindë superdelegatët se ajo është kandidatja më e mirë. Superdelegatët janë zyrtarë partiakë dhe zyrtarë të zgjedhur, të cilët janë të lirë të votojnë për secilin nga kandidatët në konventën e partisë në muajin gusht. Mbështetja e tyre është vendimtare, sepse asnjëri prej dy kandidatëve nuk pritet të fitojë emërimin e partisë pa mbështetjen e superdelegatëve.

Artikullin origjinal mund ta lexoni ketu

lajme.parajsa.com