Presidenti i Rusisë Dmitri Medvedev nënshkroi dekretin për njohjen nga Rusia si shtete të pavarura të rajoneve gjeorgjiane të Osetisë së Jugut dhe Abkhazisë.

Qeveria e Gjeorgjisë reagoi menjëherë duke e quajtur qëndrimin rus “një aneksim të hapur”.
Nënshkrimi i dekretit nga Presidenti Medvedev u bë disa orë pas njoftimeve se anijet luftarake amerikane do të dërgonin ndihma humanitare në portin gjeorgjian të Potit në Detin e Zi.

Gjatë dy javëve të fundit, hyrja në qytetin e Potit është kontrolluar nga trupat dhe marina luftarake ruse.Një zëdhënës i ambasadës amerikane tha se ndihmat do të mbërrijnë në portin e Potit të mërkurën.

Administrata e Presidentit Bush thotë se po rishikon marrëdhëniet e Amerikës me Rusinë dhe të hënën e akuzoi Moskën për shkeljen e armëpushimit me Gjeorgjinë.//kh//