Kandidati demokrat për president, Barak Obama, theksoi rëndësinë e shtimit të marrëdhënieve ndër-Atlantike.

Pas bisedimeve në Paris për një gamë të gjerë çështjesh me presidentin e Francës, Nikolas Sarkozi, senatori Obama vuri në dukje se Shtetet e Bashkuara dhe Evropa mund të arrijnë shumë më tepër kur bashkëpunojnë me njera tjetrën.

Dy personalitetet thanë se diskutuan, mes të tjerash, për Iranin, Lindjen e Mesme, Afganistanin si dhe për përpjekjet e paqes në gjithë botën.

Zoti Sarkozi tha se historia, që ai e cilësoi si "aventura Obama", prek zemrat e popullit francez.

Po sot, zoti Obama shkon në Britani, ku do të takohet me kryeministrin Gordon Braun.

Ndalesa në Paris pasoi vizitën madhështore në Gjermani, ku zyrtarët thanë se rreth 200 mijë njerëz u mblodhën për të përshëndetur Senatorin Obama tek Kolona e Fitores në Berlin. Zoti Obama u bëri thirrje thirrje evropianëve dhe amerikanëve të punojnë së bashku për të mposhtur terrorizmin dhe ekstremizmin që e ushqen atë. Ai i bëri gjithashtu thirrje Evropës të qendrojë krah për krah me Shtetet e Bashkuara për të vendosur stabilitetin në Afganistan dhe për t’i dhënë fund luftës në Irak.

Turneu i kandidatit demokrat, përshirë fjalimin e tij në Gjermani, si dhe pasqyrimi i turneut nga media janë kritikuar ashpër nga fushata e rivalit të tij republikan John McCain. Duke bërë dje fushatë në shtetin Ohajo, senatori Mekein tha se do të donte të mbante një fjalim në Gjermani, por si president dhe jo si kandidat.//lk