-Si po i kaloni këto ditë të nxehta verore?
Mirë, por shumë e lodhur me projektin e ri që kam filluar me Teatrin Kombëtar, dhe them se këtë vapë e kam përballuar mirë. Është një verë, që unë se kisha menduar që do ta nisja në këtë mënyrë, duke punuar në këtë sezon kur njerëzit shkojnë në plazh. Më vjen keq sepse unë jam dashuruar pas detit, por fatkeqësisht jam destinuar që të punoj me këtë rreth, që për mua është një kënaqësi tjetër. Kjo është një pjesë teatrore që quhet “Trojanet”, dhe ajo që më pëlqen mua në këtë vepër është se jam komplet e zhveshur nga ideja që kam rol kryesor apo dytësor. Përkundrazi, më ka dhënë kënaqësi që të punoj me një projekt për herë të parë të antikiteti grek. Jam shumë e nderuar, që unë marr pjesë në kor, sepse është diçka që ngjarjet vijnë papritur. Në këtë vepër marrin pjesë disa perla të muzikës së jugut, që unë edhe tani, që po flas më rrëqethen ato momente që kori futet. Do të thosha që është një melodi, është një trup i vetëm dhe unë ndjehem mirë se po marr diçka tjetër.

-Si e shikoni filmin dhe teatrin?
Janë dy gjëra shumë të bukura dhe emocione të forta me njëra- tjetrën, sepse filmi ka emocionin e të shikuarit, e peizazhit dhe nuk ke mundësi që më vonë ta ndryshosh filmin, ndërsa në teatër ti ke mundësi që ta ndryshosh dhe fillon dhe të bësh dhe korrigjime nëse e shikon të nevojshme, pra këtu fillon dhe bën ndryshimet mes filmit dhe teatrit.

-Roli që ju ka lënë më shumë mbresa?
Për mua është shumë e vështirë të thuash kush është rol i bukur, pasi çdo rol ka vështirësinë dhe veçantinë e vet dhe nuk mund ti ndaj dot. Vetëm impenjimi që i kemi dhënë asaj figure janë shpenzime njerëzore dhe emocionale, ndaj rolit që interpreton në film apo në teatër. Më pas është publiku ai që të gjykon.

-Keni një qendër arti “ArtBlu”, ç’mund të na thoni rreth saj?
Këtë qendër unë e kam sëbashku me miken time Valbona Imami. Ideja jonë ka qenë që të thithim sa më shumë artistë të rinj, pra ata që dalin të mos ikin, por ne të bëjmë një përpjekje dhe ata të jenë pjesë e projekteve tona. Ne kemi tre projekte, por mund të them se po ecim goxha mirë, por për momentin nuk dua të zbuloj asgjë. Mendoj se do të jetë një projekt i bukur, që do të sjelli diçka të bukur, por kemi vështirësi për të thithur fonde. Ne nuk lodhemi, sepse jemi shumë të lidhura me këtë profesion dhe do të japim maksimumin tonë.

-Ju keni një vajzë, si janë të ndërtuara marrëdhëniet me vajzën tuja Tea?
I përkushtohem shumë vajzës sime, dhe shikoj që përkushtimi im ndaj Teas më kanë vajtur mirë dhe është i vetmi moment që mund ata prek me shumë dinjitet. Është një vajzë e mrekullueshme, jo se është vajza ime, por them se i kam mësuar gjërat elementare si mirësjellja, edukata, respekti, të jetë njerëzore me njerëzit. Tea më jep shumë, gjë e cila më bën që vras mendjen për të punuar që asaj të mos i mungojë asgjë.

-Do të donit që vajza juaj të bëhej aktore?
Asnjëherë, sepse sot në katoi kushte të jesh aktore sa është kënaqësi është dhe negative, jo të paragjykimeve sepse është i vetmi, gjë që nuk më çalon se jam aktore, por ajo që unë shikoj është se nuk është e ardhme për Tean.

-Momenti më i bukur gjatë karrierës suaj artistike?
Momenti më i bukur për mua ngelet ai moment kur merr duartrokitjet e publikut, sepse kur i merr ato harron lodhjen, stresin, etj. Artisti momentin më të bukur e ka kur merr vlerësime. Unë nuk është se nuk e pëlqej një çmim, por ajo që më lumturon më shumë është duartrokitja. Për sa i përket çmimeve unë jam pak skeptike sepse jo shumë herë çmimet qëllojnë në kohë dhe nganjëherë më duken zhgënjime. Për mua çmimet gjithmonë ngelen një pikëpyetje e madhe. Shumë çmime janë marrë dhe unë shikoj si aktorë shqiptarë dhe të huaj kanë kryeveprat e tyre me role, që nuk kanë çmime dhe në rolet që kanë çmime me keqardhje e them që kanë qenë jo në atë nivel që kanë marrë çmime. Për mua emocioni është çmimi i gjithçkaje.

-Jeni e zhgënjyer nga jeta?
Normal që njeriu ka zhgënjime në jetë, por rëndësi ka kush janë zhgënjimet kryesore të njeriut. Nga ana profesionale unë nuk jam zhgënjyer, por më tepër më zhgënjejnë marrëdhëniet njerëzore, atyre që u kam dhënë besim shumë, atyre që i kam dashur shumë, atyre që e kanë njohur Monikën e vërtetë. Ka pasur momente që kam bërë të pamundurën që të bëjmë diçka të bukur, kam bërë të pamundurën për të dhënë atë Monikë që është realisht. Por pasi kam dhënë këto, kam dëgjuar dhe gjëra që thellë nuk më ka ardhur keq asnjëherë se për se e bën, por gjithmonë kam thënë unë bëra mirë që i afrova këta njerëz, dhe në fund fare kam thënë, që ashtu e mendoi. Por Monika ka bërë më të mirën, ndërsa zhgënjimi është që nesër Monika të ketë kujdes, por unë jam person që dua t’i kem marrëdhëniet mirë me shoqërinë. Të kem shumë mirë marrëdhëniet me njerëzit, që më kanë rrethuar dhe me kolegët, por zhgënjime mund të marrësh dhe në familje, mund të marrësh zhgënjim dhe nga njeriu që do. Por unë ngelem tek ajo që në fund fare them, njeriu që kisha përballë kush ishte, pa problem unë bëra më të mirën. Kam pasur zhgënjime, madje më kë ardhur keq kur kam marrë zhgënjime dhe kur unë kam bërë maksimumin e gjërave për njerëzit. Ka njerëz që janë të ftohtë dhe i shikojnë ftohët këto gjëra, ndërsa Monika është tip që më shumë shkatërron veten se të tjerët. Them se këta njerëz jo se nuk dinë, por bëjnë dhe kjo më vret më shumë se për se bëjnë kështu. Jam tip që dua t’i dhuroj shumë dashuri njerëzve.

-Po ju a keni marrë këtë dashuri nga njerëzit ?
Unë kam dhënë shumë dashuri, për të marrë do ta shikoj më vonë, por kam dhënë shumë dhe vazhdoj të jap dashuri. Jap aq shumë dashuri sa mund të dal dhe në vetmohim në të gjitha aspektet, ndoshta kjo është natyra ime. Unë marr më të bukurën time dhe atë që unë e kam më të mirën dua t’ia dhuroj dhe të tjerëve, por varet se si marrin ata. Mendoj se njerëzit që kanë qenë rreth meje do jenë ndier mirë. Jam njeri që mendoj se nuk jap strese dhe jap shumë dashuri.

-Si nis dita për Monikën?
Kjo ditë ka nisur shumë e vrullshme. Ngrihem shumë shpejt dhe nuk ia lejoj vetes që dal e pakrehur nga shtëpia dhe ndoshta dhe ky modeli i flokëve më ka bërë më të vëmendshme. Modeli i flokëve më ka dhënë preukopimin, që duhet të shkoj në parukeri dy herë në javë, që të bëj krehjen e flokëve, më pas një makeup, një rimel dhe një ton i lehtë dhe pak buzëkuq, dhe pas kësaj Monika është shumë sport për të vajtur në punë.

-Veshjet që gjenden më shumë në gardërobën tuaj?
Në gardërobën time ka shumë veshje sportive. Unë jam gjithmonë tek pantallonat e gjera, tek kamishat më jaka, kanotiere. Kam qejf që të ndërroj shumë rripat e pantallonave dhe do të ngelem njeriu më sport. Ka veshje të tjera, por ato i përkasin një mbrëmjeje ose një pasditeje.

-Në atë pak kohë të lirë që keni çfarë bëni?
Tani në verë dua të marr makinën dhe vajzën, dhe të shkojmë në pishina. Durrësin nuk shijoj dot tani për tani, pasi ka shumë zhurmë dhe me punën që kam filluar dua të jem e qetë, por dhe në jetën time të përditshme më pëlqen shumë të jem me shoqërinë edhe të shijoj pishinën në mënyrën time, sepse unë jam shumë e pasionuar pas notit.

-Nëse mikesh juaj do ju tradhtonte për diçka që ju e keni shumë për zemër. Si do të reagonit?
Unë kam pasur dikur një mikeshë shumë të afërt dhe zhgënjim e parë më marrëdhëniet shoqërore, për mua ka qenë ky. Pra njerëzve kur ju vjen diçka në dorë, bëhen shumë egoist dhe i harrojnë shoqëritë, kjo për mua është tradhtia e parë. Unë nuk e quaj tradhti se unë i tregova diçka dhe ajo e tha nën një vend tjetër. Fjala tradhti për mua është shumë tronditëse brenda meje. Do të më pëlqente të hynte tek zhgënjimi, do të më vinte keq dhe nuk do t’ia falja sepse janë kohë që ne jemi njohur me njëra-tjetrën, dhe koha është e çmuar për jetën e njeriut. Ndoshta do të toleroja dy-tre herë, por nëse kjo do të vazhdonte të ishte e vazhdueshme do të mendoja se kjo është zgjedhja e saj, dhe nuk do të prisni asnjëherë tek Monika reagime të natyrës së egër. Unë jam për mendimin që kaq ishte miqësia. Por nuk arrij të fal energjinë, emocionet, kohën e lirë, çdo gjë tjetër sepse është aq e shtrenjtë për njeriun. Dhe kur vjen një moment, që prishet çdo gjë për mua është shumë keq, sepse është harxhim njerëzor mbi të gjitha.

-Si ka qenë Monika shumë vite më parë?
Duke qenë si natyrë çuni, djemtë kanë pasur dhe siklet të më propozonin dhe pastaj ngelnin tek ajo që kjo është kaq emirë, por sillet si çun dhe pas kësaj janë tërhequr. Madje dikujt më vonë i kam thënë çfarë ndjeve kur u tërhoqe, dhe ai më tregon se i kishte ikur vështirmi im.

-Dashuria e parë për Monikën?
Dashuria e parë ka pasur emocionet e veta, ka pasur risinë e parë. Ka pasur atë që mua më futi në një shinë tjetër që duhet të mos isha më “Monika çuni”, që duhet të mendoja se më ka ardhur një moshë që doja një puthje apo një shok, dhe gjithmonë dashuria e parë ngelet emocionale, fjalët në atë kohë unë as nuk i kujtoj, por është gjithmonë ai emocioni i parë, shumë gjëra nuk i di pasi je e re dhe ia lë në dorë moshës, por dhe kohës për tu pjekur në dashuritë e tjera.

-Në jetën tuaj cila është gjëja më e rëndësishme për momentin?
Në jetën time ka qenë dhe vazhdon të mbetet vajza ime Tea, vazhdoj që të shijoj vajzën time dhe për pak kohë. Nuk e di se çdo të ndodhë më vonë. Mund të kërkojë Monika një shok në krahë për të vazhduar pjesën tjetër të jetës, por ajo varet vetëm nga momenti i Teas.

-Monika e ndjek modën?
Mundohem që veshjet e mia ti përshtat sipas modës së fundit.

-Stilisti yt i preferuar?
Të gjithë stilistët për mua janë të preferuar sepse vetëm fakti se ata sjellin diçka të re, e cila ka të bëjë dhe me profesionin tim si aktore. Por mënyra se si do ti ndaja është sipas stilit që unë ndjek në të veshur. Po të hysh në butikët e Tiranës është shumë problematike, për tu veshur dhe stiluar mirë për një moshë që është nga 30 e lart, pasi mungon një kostum, mungojnë një palë pantallona, që duhet të përshtaten, por ne jetojmë në një vend mes ekstremeve, pasi shumë gjëra nuk përshtaten me njëra-tjetrën.

-Kur nevrikoseni çfarë bëni?
Në ato momente kur jam nevrikosur unë shpërthej në shtëpi, shpërthej me ulërima dhe plot të tjera derisa në fund e mbyll dhe me një dënim që ia jap vajzës sime. Këto janë shfryrjet për mua, që unë i kam të ngarkuara dhe e hanë njerëzit më të dashur për mua. Në momentin kur e ndjej që dhe në familje është tepruar, futem në dhomë mbyll grilën, dritaren dhe nuk kërkoj njeri, por dua vetëm të qëndroj në dhomën time.

-I ndiqni telenovelat?
Nuk mund të them se i ndjek shumë, por jam e detyruar ti shikoj herë pas here pasi mamaja ime i ndjek shumë. Duke pasur mamanë herë pas here dhe unë bëhem pjesëtare e një grepi të keq, nëse do të mund ta quaja kështu. Mendoj se telenovelat janë një humbje kohe sa të shkoi ora 6 apo 7 për tu bërë gati dhe të dalësh.

-Cila është dhurata më e bukur që keni bërë dhe keni marrë?
Unë vetë jam tip që bëj shumë dhurata. I kam bërë dhurata për ditëlindje të afërmve të mi, mikeshave të mia, por nuk marr shumë dhurata. Dhuratat e mia këtë vit kanë qenë të bukura për ditëlindje, dhe do të cilësoja këtu djalin e tezes, i cili më surprizoi me një celular shumë të bukur. Por dhe mikeshat e mia më bënë dhurata shumë të bukura që ishin veshje që më përshtateshin. Mua më pëlqeu kujdesi që ato treguan ndaj meje.

-Në jetë çfarë vlerësoni më shumë?
Vlerësoj sinqeritetin dhe mirënjohjen, ndërsa ana që nuk do të pëlqeja tek njerëzit është hipokrizia dhe cinizmi. Ironinë nuk do ta dëshiroja, mua më pëlqen sinqeriteti dhe njerëzit që kanë paqe brenda vetes së tyre. Për mua paqja është gjëja më e bukur, por është dhe më e vështira.

-Çmendoni për klasën politike shqiptare?
Nuk është se mendoj shumë për klasën politike shqiptare, pasi për mua nuk janë në nivelin e duhur. Megjithëse në shtëpi kam qejf që ti kundërshtoj të shtëpisë kur bëhet fjalë për politikë.

-Ngjyrat që janë më të preferuara për veshjet tuaja?
Ngjyrat e mia të preferuara janë bluja, e bardha, e kuqja. Ngjyrat e bardha dhe e zeza kanë qëndruar shumë kohë në veshjet e mia. Por tani ka filluar që të më pëlqejnë shumë ngjyrat ftohta dhe nuk e di pse, por mendoj se mos kjo ka të bëjë dhe me ndjesitë shpirtërore.

-Monika është një amvisë e mirë?
Unë do të kisha shumë dëshirë të tentoja në këto gjëra, por duke qenë se jam e rrethuar me prindër, ku çdo gjë e bën mamaja ime që është e mrekullueshme. Duke pasur një nënë që është shumë e kujdesshme, ajo nuk më lë të bëj asgjë. Mund të them se vazhdoj edhe sot të jem e përkëdhelura e familjes.

-Pjata e preferuar?
Më pëlqejnë shumë ushqimet thata. Por nganjëherë më pëlqen të ha dhe vetëm bukë me djathë e domate, dhe mund të kënaqem. Mendoj se e ngrëna është diçka, që njeriu të jetë në formë dhe të ketë një trup dhe mendje, që ta mbajë tërë kohës në aktivitet.

-Në çantën e Monikës, çfarë mund të gjesh?
Është një çantë rrëmujë, ku mund të gjesh shumë tualet. Mund të gjesh kufje, CD, fletë palosjet shfaqjeve, sigurisht armatën e çdo artisteje si: rimeli, peneli, buzëkuqi etj.

-Zgjuarsia dhe bukuria për ju duhet të ekzistojnë tek një njeri që ai të jetë i suksesshëm?
Unë them që të dyja janë të domosdoshme tek njerëzit, pasi një prezencë e mirë të jep mundësinë për të krijuar një lidhje ndaj një marrëdhënie pune, duke krijuar për punën është gjithmonë figura e jashtme, por kjo nuk do të thotë që është më kryesorja. Për mua ka shumë rëndësi zgjuarsia.

-Ku do ti kalonin pushimet?
Mendoj që ti kaloj në Sarandë dhe më pas në Greqi, por gjithçka varet nga një vizë që unë pres për vajzën time.