Ahmeti: "Nuk ka përplasje në koalicion"

“Skandali i Pangos dhe breshkat e Ramës”�

... Në këtë intervistë për MAPO, ai sqaron për herë të parë pas skandalit Pango, shumë prej pyetjeve që janë ngritur që nga dita kur sekuencat e xhirimeve të fshehta çuan në tërmetin më të fortë qeveritar, që nga tragjedia e Gërdecit

Zoti Çakuli, jeni prej një jave në mesin e një furtune mediatike e politike, e cila ka shënuar largimin e ish-ministrit të kultures Ylli Pango, pas një materiali kompromentues që ka publikuar Fiks Fare. A e mendonit fillimisht kete reagim
A e kemi parashikuar një reagim të tille, para se të publikonim skandalin Natyrisht që po. i kemi menduar të gjitha; edhe qendrimin e qeverise, edhe të publikut, edhe të vete ministrit në fjale. Ishim të pergatitur për të dyja variantet në reagimin e kryeministrit. që do ta shkarkonte, po edhe që mund ta mbante, duke mos i dhënë rëndësi denoncimit të medias, sic ka vepruar për shume raste denoncimesh të shtypit dhe të medias kohët e fundit.
Prandaj dhe e permblodhëm gjithë materialin prej disa orësh, në një kohë disa minutëshe me qëllimin e vetem për ta bere sa me bindëse për teleshikuesit. Them se ia arritëm qëllimit, se arritëm të bindim në radhë të parë Kryeministrin, Presidentin, Kryetaren e Kuvendit e të tjerë.

Skandali Pango e vuri në veshtiresi serioze qeverinë aktuale, e cila në jo pak raste ka hedhur dyshime se kjo nismë e juaja ka pasur një prapavijë politike dhe se shumëçka lidhet me afrimin e fushatës. Si i pergjigjeni këtyre akuzave
Së pari këto nuk janë akuza, por hamendje të secilit. Se akuza duhet të ketë një objekt, një fakt, një logjikë dhe një bazë juridike që të jetë e tillë. Tani hamendjet nuk quhen akuza. ne nuk marrim ngjyrime, ne jemi ortakë me qeverinë në luftën kundër korrupsionit, por nuk jemi me qeverinë kur shkelet ligji. Në kohën kur Fatos Nano ishte kryeministër, ne nxorëm kongresmenët e PS. Berisha deklaroi në një moment se kjo ishte sa për shtatë fushatat e tij elektorale, pra secila palë kur i intereson, thotë që jemi në rregull. Ne i nxorëm Ramës dy breshkat që kishte në zyrë, Berisha i përmendi breshkat.
Le të vijë një njeri që të denoncojë që i kam dhënë kryetarit të bashkisë së Tiranes kaq lekë dhe ne e denoncojmë, e publikojmë.

Si publicist dhe njeri i letrave, si e shihni futjen e skandalit seksual në debatin shoqëror në Shqipëri Sa i përgatitur është shqiptari i mesëm për një situate si kjo, sipas jush Si ju duk përballja konkrete e publikut me një skandal të tillë, i pari i këtyre përmasave
Personalisht unë nuk e quaj skandal seksual. Ta quash skandal seksi ia ul vlerën asaj që ka ndodhur. Skandali seksual është kur një femër kapet me një zyrtar, këtu kemi një skandal korruptiv, sesi emërohen dhe merren në punë vajzat e reja. Kjo vajzë nuk do të paguante me para, por me trupin e saj.
Ky është vlerësimi i njerëzve në punë. Mua më vjen mirë që publiku e mirëpriti materialin, na përgëzoi në këtë rast. Kjo ndodh pasi publiku është më i pjekur se gjithë të tjerët në mënyrën më të mirë të mundshme.
Dëshiroj të shprehem me këtë rast se nuk jam për lincimin e ish-ministrit për këtë skandal, unë jam me dënimin e tij, por jo që të ngrihen të gjithë që të thonë që ky është i pari dhe i fundit në Shqipëri e të thonë “ç”na gjeti”!
Parlamenti votoi shkarkimin e Pangos me 100 vota pro me 100 deputetë, nuk ka bërë vaki që parlamenti të ishte dakord unanimisht, me përjashtim të votimit për anëtarësimin në NATO dhe për çështjen e Kosovës. Ne i bindëm njerëzit me aq sa transmetuam, se kjo ishte e vërteta.

Ylli Pango ka deklaruar se mbetet i zhgenjyer që e gjitha kjo i erdhi nga një njeri që e njeh prej 30 vjetesh. Si i përgjigjeni
Eshtë e vërtetë. E kam njohur dhe kam ndenjur me Pangon 30 vjet më parë. Unë këto ditë mbush 30 vjet gazetar, kam njohur pothuajse të gjithë njerëzit e politikës shqiptare dhe mijëra e mijëra njerëz të thjeshtë, por kjo nuk do të thotë që kur një nga personat që njoh, të abuzojë me pushtetin, unë për të bërë punën, të mos ngrihem. Njohja nuk mund të justifikojë abuzimin deri në këtë shkallë. Njohjet janë njohje, detyra ime si profesionist është që në këtë mision që kam marrë përsipër, të denoncoj këto shkelje dhe të informoj publikun sesi është gjendja reale në adminsitratën shtetërore dhe kudo. Për pasojë, profesionalizmi shpesh triumfon mbi njohjen dhe miqësinë.

Fiks Fare ka lajmëruar se mund të bëjë publike të tjera histori të sikletshme që lidhen me zyrtare dhe funksionare shtetërorë. Sa e vërtetë është kjo dhe cili mund të ishte sipas jush efekti politik i zgjerimit të mëtejshëm të skandaleve, në këtë pragfushate elektorale
Fiks Fare nuk me merret me efektet publike që kanë skandalet. Fiksi qoftë në rastin kur ato prekin pozitën, qoftë kur prekin opozitën, ka detyrimin para teleshikuesve të tij të shumtë që t”ua bëjë atyre të njohur gjithçka. Si drejtues i këtij emisioni, dua që të sqaroj publikun se Fiksi as shkarkon, as emëron, as arreston njerëz. Fiksi bën publike një shkelje flagrante të ligjit, janë organe të tjera që i referohen emisionit tonë, nëse e shohin të arsyeshme. Nuk jemi ne që i kërkojmë prokurorisë dhe gjykatave të marrin masa, janë ata që marrin materialet filmike të Fiksit.
Sa i takon efektit politik, kjo është thjesht diçka që nuk na intereson. Ne nuk jemi palë me askënd, nuk kemi keqardhje ndaj askujt, efekti politik është një “mall” me të cilin duhet të merren ata që e bëjnë politikën dhe që jetojnë me të.

Si është ndjere stafi i Fiks Fare gjate ketyre diteve të skandalit. Kenaqesi profesionale, frike, stres, asgje prej ketyre apo të gjitha bashke
Duke hequr fjalën frikë, të gjitha të tjera janë normale. Shto këtu edhe tensionin. Kemi dashur ta përcjellim këtë ngjarje duke pasqyruar të gjitha reagimet e njerëzve, qoftë edhe ata që ishin kundër, me po atë vëmendje, si në rastin e opinioneve pozitive ndaj nesh. Janë raste të rralla që thjesht nga një transmetim i Fiks Fare të ketë gjetur këtë reagim të politikës të publikut shqiptar dhe ku të gjithë kanë qenë dakort me të...
... me këtë denoncim që bëjmë ne, pamjet tona. Faktet ishin kaq të besueshme, saqë nuk e vuri në dyshim as politika, as qeveria, as publiku. Kjo na bën që ta ndjejmë veten vërtet të kënaqur, por njëkohësisht na bën që të jemi maksimalisht të përgjegjshëm, kur ka ndonjë kritikë apo sugjerim.

Jeni akuzuar se keni shkelur privatësinë e ish-Ministrit të Kulturës. Cila është përgjigja juaj
Nuk e kuptoj ku është privatësia këtu. Të vesh në punë në ministri, në zyrë, nuk është privatësi. Të të thotë ministri “hajde të të takoj në shtëpi për punë” nuk është privatësi. Që të jemi të qartë, këtu nuk kemi një vajzë që e pëlqen ministrin nga sytë dhe nga mjekra dhe do të bëhet e dashura e tij dhe shkon vullnetarisht në shtëpi sepse do të bëjë seks me të. Në këtë rast nuk do të kishim transmetim të pamjeve, e them në mënyrë kategorike. Këtu kemi një titullar të lartë, me një logjikë të mbrapshtë, që duke shkelur rregullat më elementare të punësimit të njerëzve, nuk ka minimumin e respektit për atë që do të marrë në punë. Vajza që u angazhua për këtë material është gazetare profesioniste, që ka marrë detyrë të ndjekë deri në fund mënyrën sesi punëson ministri, ajo nuk është një e njohur mantenutë e ministrit, që i kërkon hajde në shtëpi të bëjmë qejf. Këtë e pranoi edhe ai vetë. Mjafton të kujtojmë sesi vajza i thotë ministrit deri në fund që “ju keni zyrë”, pa harruar faktin tjetër, që gazetarja, në momentin që ministri kërkoi ta zhvishte, e kundërshtoi dhe iku e u largua.