PRISHTINE- I dërguari i BE- së në Kosovë Piter Feith i cili ka shërbyer si diplomat edhe në Bosnje, në Luginën e Preshevës dhe në Maqedoni thotë se në Kosovë është një situatë post-konfliktuoze dhe shumë më stabile se sa në vendet tjera ku ai ka qenë aktiv. Në një intervistë për BBC-në Piter Feith tregon se detyrae tij e re tani në Prishtinë është për të ndihmuar dhe këshilluar qeverinë e Kosovës, e cila fitoi pavarësinë pas 17 shkurtit.
Gjatë intervistës së tij në BBC Feith pranon se situata në Kosovë është prioritet dhe sfidë për BE-në. “Është faza përfundimtare e një konflikti historik të shkëputjes nga ish-Jugosllavia”. – thotë Feith
Feith vazhdon se si përfaqësues i zyrës Civile Ndërkombëtare ndodhet në Kosovë për të ndihmuar qeverinë e Kosovës për të zbatuar planin e Ahtisarit dhe jo si “shef i saj” por shtoi ai “Nëse ne vërejmë se ka ndonjë veprim që do ta drejtonte vendin larg zbatimit të planit Ahtisari, atëherë unë nuk do të hezitoj të ndërhyj”.
I pyetur nga gazetari i BBC-së a ka përplasje kompetencash mes UNMIK-ut , EULEX-it Zyrës Civile Ndërkombëtare dhe institucioneve të Kosovës Feith i përgjigjet: “Jo, mendoj se ndërsa kemi mandate të ndryshme, të gjithë ne punojmë në mbështetje të qytetarëve të Kosovës, prandaj nuk ka arsye për përplajse”.
I dërguari i BE-së në Kosovë Feith nuk sheh ndonjë problem në faktin që Misioni i Kombeve të Bashkuara, edhe ai i Bashkimit Europian të veprojnë në Kosovë në të njëjtën kohë.

“Ju e dini se Kombet e Bashkuara do të rikonfigurohen dhe do të vazhdojnë të kryejnë funksione të caktuara, një prej tyre është lehtësimi i dialogut me Beogradin. Detyrat tona janë të ndryshme, ato janë më shumë mbështetje indirekte e qeverisë. Përderisa mund të shmangin konfuzionet ligjore apo duplifikimin e detyrave dhe përpjekjeve, mendoj se funksionimi i të dyja misioneve është shumë i mundur”
I pyetur lidhur me situatën në veri të Mitrovicës Feith thotë se Zyra Civile Ndërkombëtare vazhdon të punojë në Jug të Mitrovicës dhe se për shkaqe sigurie Zyra Civile Ndërkombëtare nuk e ka hapur zyrën e saj në veri të Mitrovicës të banuar me shumicë serbe. Feith u shpreh se po bisedohet me serbët lokalë dhe me Beogradin për tu vendosur edhe në veri. “Ne ndjejmë se kohërat po ndryshojnë pas zgjedhjeve të Beogradit, se personalitete të reja gradualisht mund të marrin përgjegjësi dhe se disponimi i qytetarëve po shkon drejt pranimit më të madh të misionit të BE-së në Kosovë”.
Në vazhdim të vizitës së tij Piter Feith shtoi se Bashkimi Evropian nuk do të dëshironte që veriu i Kosovës të shndërrohet në një konfikt të ngrirë, sepse kjo siç tha ai “ kjo nuk do të ndihmonte as vet serbët.
“Një konfikt i ngrirë do të ishte shumë i padobishëm dhe nuk do t'i ndihmonte njerëzve. Mendoj se qeveria e Beogradit e ka kuptuar këtë. Ne e shohim këtë si interes të përbashkët që të mos kemi një pjesë të tereritorit që do të mbetej konflikt i ngrirë, ku do të kishte mungesë të rendit dhe ligjit dhe ku ne nuk do të kishim qasje për të ndihmuar zhvillimin ekonomik dhe demokracinë”.
Feith nuk dha një afat kohor se kur BE-ja dhe institucionet e Kosovës do të shtrijnë pushtetin në veri por u shpreh se po punohet për të gjetur një marrëveshje me Beogradin për vendosjen e EULEX-in dhe se me kohë do të ketë liri më të madhe të lëvizjes ndërmjet Kosovës Veriore dhe pjesës tjetër të vendit.
I dërguari i BE-së u shrep i kënaqur me përpjekjet e qeverisë për implementimin e planit të Ahtisarit dhe se fillimisht puna është përqëndruar në dërgimin e ligjeve në Kuvend dhe miratimin e Kushtetutës, që kanë qenë shumë të rëndësishme për zbatimin e këtij plani.

Feith e mbyll intervistën e tij duke shprehur bindjen se procesi i pavarësisë do të vazhdojë dhe do të ndodhë në muajt e ardhshëm.

(s.g/BBC/BalkanWeb)