PRISHTINE- Komandanti i Trupave paqeruajtëse në Kosovë, gjenerali Xavier Bout de Marnhac, thotë se forca e re e sigurisë në Kosovë, pas transformimit të TMK-së do të jetë një njësi për mbrojtje civile. Në një intervistë për BBX de Marnhac shtoi se kjo forcë do të ketë përgjegjësi që të përballet me katastrofat e rënda, siç janë tërmetet, vërshimat ose zjarret që mund të kërcënojnë Kosovën.
Gjenerali de Marnhac tha se forca e re e sigurisë do të jetë shumëkombëshe ashtu siç pretendojnë, sipas tij, të bëhen edhe institucionet kosovare në të ardhmen. Sipas tij strukturat paralele në veri të Kosovës, janë pjesë e mjedisit politik që nuk është stabilizuar ende. Ai tha se kompletimi i mjedisit politik do të ndihmojë në konsolidimin e qëndrueshmërisë dhe të sigurisë.

(s.g/Bbc/Balkanweb)