PRISHTINE- Ish-ministri i Kulturës, Astrit Haraqija dhe gazetari Bajrush Morina udhëtojnë sot drejt Gjykatës Ndërkombëtare të Hagës. Më 8 shtator ata do të përballen me akuzat për obstruksione ndaj kësaj gjykate si dhe frikësim të dëshmitarëve në rastin e gjyqit ndaj Ramush Haradinajt dhe të tjerët”.

Pak para se të largohet nga Prishtina ish ministri i Kulturës Haraqija deklaroi se ishte i pafajshëm dhe u shpreh i bindur se do të dëshmonte pafajësinë e tij edhe para gjykatës.

Në lidhje me këtë cështje, pak ditë më parë Gjykata Ndërkombëtare e Hagës shpalli fajtor gazetarin Baton Haxhiu. Analisti kosovar u deklarua fajtor për shpërfillje ndaj gjykatës dhe u dënua me 7 mijë euro gjobë, të cilën u detyrua ta paguante brenda muajit gusht.

(s.g/Telegrafi/BalkanWeb)