PRISHTINË – Ende nuk ka pritet ndonjë takim i shpejt në mes Prishtinës dhe Beogradit. Pavarësisht përpjekjeve të UNMIK-ut për të venë dialog midis tyre deri tani nuk ka lëvizje nga asnjë palë. Deklarata është dhënë nga zëdhënësi i UNMIK-ut Aleksandër Ivanko i cili nuk saktësoi nëse në bisedimet do të përfshihej edhe çështja e personave të zhdukur. Ai tha se për këtë çështje ka punuar një komision i veçantë.
Edhe pas rikonfirgurimit UNMIK-u do të vazhdojë të monitorojë disa çështje, siç janë disa segmente të policisë dhe të drejtësisë, si dhe të mbështesë vënien e dialogut midis Prishtinës e Beogradit, ashtu sipas udhëzimit të kreut të OKB-së Ban Ki Mun.
Sa i përket dialogut, zëdhënësi Aleksandër Ivanko përsëriti se do të caktohet një agjendë për çështjet që do të diskutohen, por ai tha se tani për tani nuk ka asnjë lëvizje pozitive.
“Nëse ka disponim që Prishtina e Beogradin dëshirojnë të ulën në një tavolinë, ne do të ndihmojmë me shumë dëshirë. Nëse nuk duan ne do të vazhdojmë të ndihmojmë që ata të gjejnë ndonjë zgjidhje, por nuk ka asgjë të re tash për tash”, ka thënë Ivanko.
(a.s/Balkanweb/RTK)