PRISHTINE- Shqiptarët e Kosovës kanë nisur muajin e shenjtë të Ramazanit për herë të parë në Kosovën e pavarur, por shumica vendase që i përket besimit mysliman, ndihet e tradhtuar nga vendet myslimane të cilat nuk e kanë njohur pavarësinë e Kosovës. Në xhaminë e vjetër të Prishtinës, Myslimanët mblidhen për t’u lutur dhe për të mbajtur ramazanin në Kosovën e pavarur.
Ndonëse sipas kushtetutës që e cilëson Kosovën vend laik, rreth 90 përqind e banorëve janë të besimit mysliman. Që nga shpallja e pavarësisë më 17 shkurt, Kosova është njohur nga 46 vende,  por nga këto 46 vende, vetëm Turqia dhe Afganistani që kanë popullsi myslimane e kanë njohur Kosovën shtet, duke shkaktuar zhgënjim te banorët.
“Ky fakt nuk na bën të ndihemi mirë dhe për më tepër nuk e kuptojmë arsyen. Ata e dinë shumë mirë që jemi myslimanë. Ka ardhur koha që pavarësia e Kosovës të njihet dhe nëse këto vende myslimane nuk e bëjnë këtë, do të na zhgënjejnë shume” shprehet imami Iliaz Rhahimi.
Ndonëse me shumicë myslimane, jo të gjithe e ushtrojnë besimin e tyre, ndërkohë që Kosova ka edhe një komunitet katolik që përbën rreth pesë përqind të popullsisë. Në qëndër të Prishtinës po ndërtohet edhe një katedrale që do të jetë ndërtesa më e gjatë e kryeqytetit, 70 metra e lartë. Një nga banorët e Prishtinës, Gjergj Filipaj që I përket besimit katolik shprehet se “në Kosovë ka tolerancë fetare dhe se komuniteti katolik pranohet pa vështirësi nga ai mysliman.
Krerët myslimanë në Kosovë kanë bërë të ditur se presin njohjen e disa vendeve arabe gjatë muajit të shenjtë të Ramazanit pa i specifikuar se cilat do të jenë ato.  

(a.r/balkanweb)