PRISHTINË- Qeveria e Kosovës ka marrë vendim për rritjen e rrogave të mësuesve të  arsimit fillor dhe të mesëm në Republikën e Kosovës. Shkalla e rritjes do të jetë nga 19 deri në 47 për qind varësisht nga përgatitja shkollore. Mësimdhënësit me diplomë të shkollës normale do të kenë ngritje të pagës 22%, ata me diplomë të shkollës së lartë pedagogjike 19 31%, me diplomë universitare 3 4 vjeçare, përfitojnë ngritje prej 27 39 %, ndërsa mësimdhënësit e ciklit të dytë dhe të tretë magjistraturë dhe doktoraturë, 35 47 %. Sipas ministrit të Arsimit, Enver Hoxhaj, ky është një sistem i reformuar i pagave dhe bazohet në kualifikim dhe përvojë të punës. "Mesatarisht paga rritet në 42 euro për arsimtarë në arsimim fillor dhe 54 euro mesatarisht për ata që punojnë në arsimin e mesëm, kjo nuk do të thotë se të gjithë arsimtarët do të kenë paga të njëjta, por çdo arsimtar në momentin që arrin përgatitjen e tij profesionale ka mundësi që ta merr një pagë më të lartë", tha Hoxhaj. Vendimi hyn në fuqi menjëherë dhe do të fillojë të zbatohet nga data 1 shtator.
(a.r/qik/balkanweb)