PRISHTINE- Që nga dita e sotme në Kosovë ka filluar shpërndarja falas e teksteve shkollore nga klasa e parë deri në të pestën tekste këto që janë për lëndët bazë, këtë gjë e ka bërë të ditur Ministria e Arsimit, Shkencës dhe Teknologjisë kosovare, në një konferencë për shtyp. Tekstet shkollore kanë filluar të shpërndahen në shkollën fillore”Dardania”, në Prishtinë dhe në Istog e do të vazhdojë në të gjitha shkollat në nivel vendi deri me 1 shtator. 
Shtëpitë botuese që kanë marrë përsipër botimin e këtyre teksteve “Libri shkollor” dhe “Dukagjini”, janë shprehur se i kanë bërë të gjitha përgatitjet për këtë proces.
Zëvendësministri i arsimit, Agim Hyseni tha se kjo nismë e Ministrisë së Arsimit do të vazhdojë edhe në të ardhmen dhe nga viti i ardhshëm tekstet falas do të dhurohen edhe për nxënësit nga klasa e pestë deri në të nëntën.
(a.r/rtk/balkanweb)