PRAGE- Ministri i Punëve të Jashtme të Kosovës Skënder Hyseni ndodhet në Republikën e Çekisë. Vizita e tij realizohet me ftesën e ministrit të Jashtëm të Çekisë Karel Shvarcenberg.

Gjatë ditës së djeshme në Pragë ministri Kosovar bëri homazhe para varrit të Jan Pallahut, të riut që u vetëdogj para 40 vitesh në shenjë proteste për invadimin sovjetik në ish- Çekosllovaki.

Gjatë ditës së sotme ministri Skënder Hyseni do të takohet dhe do të bisedojë me zëvendëskryeministrin Aleksandër Vondra, me ministrin e Punëve të Jashtme Karel Shvarceneberg dhe me personalitete të larta të Çekisë.

Qëllimi i vizitës janë marrëdhëniet bilaterale, për raportet e Kosovës dhe Bashkimit Evropian dhe për bashkëpunim rajonal. Republika Çeke e cila kohë më parë njohu pavarësinë e Kosovës prej 1 janarit të vitit të ardhshëm është kryesuese e radhës e Bashkimit Evropian.

(s.g/Europaelire/Balkanweb)