MITROVICE- Nga një përleshje mes shqiptarëve dhe serbëve që ka ndodhur mbrëmë në Mitrovicë, kanë mbetur të lënduar një pjesëtar i policisë ndërkombëtare, një qytetar shqiptar dhe dy të tjerë serbë. Sipas autoriteteve të rendit incidenti ka ndodhur në Lagjen e Boshnjakëve, që gjendet në pjesën veriore të qytetit, buzë lumit Ibër. Besim Hoti, zëdhënësi i policisë se Kosovës për rajonin e Mitrovicës, thotë se fillimisht një grup serbësh kanë sulmuar një të ri shqiptar. "Kjo ka filluar rreth orës 21 :30 në Lagjen e Boshnjakëve, kur një viktimë e nacionalitetit shqiptar, i cili ka kaluar nga Lagjja e Boshnjakëve në drejtim të urës kryesore është ndalur fillimisht nga gjashtë persona të dyshuar të nacionalitetit serb. Pasi kanë kërkuar nga ai të identifikohet se kush është, kanë filluar ta sulmojnë më shkopinj druri", beri te ditur Hoti. Sipas zëdhënësit Hoti, më vonë, duke marrë për bazë ketë incident, tek ndërtesat që njihen si "Tre rrokaqiejt", rreth orës 1 e 20 minuta, shqiptarët kanë gjuajtur me gurë dy vetura të serbëve, ku per pasoje janë lënduar dy serbë.
Me vonë ka nderhyre policia e UNMIK-ut, ku per pasojë një polic është lënduar. Bëhet e ditur se polici i UNMIK-ut i cili është lënduar është nga India. Gjendja e tij dhe e të lënduarve të tjerë është jashtë rrezikut për jetën.

(a.r/news24/balkanweb)