NEW YORK- Ndërsa situata në përgjithësi duket e qetë në sipërfaqe, shpallja e pavarësisë së Kosovës dhe hyrje në fuqi e Kushtetutës, e cila kundërshtohej nga Beogradi dhe serbët e Kosovës kanë rritur tensionet mes shqiptarëve dhe komunitetit serb në Kosovë”- thuhet në raportin e Ban Ki Moon, i cili do të lexohet në Këshillin e Sigurimit të OKB-së më 25 korrik.

Sekretari i përgjithshëm i OKB-së ka përsëritur se organizatat ndërkombëtare “vazhdojnë të mbajnë qëndrime strikte dhe neutrale në lidhje me statusin e Kosovë”.

“Sidoqoftë që nga shpallja e pavarësisë, UNMIK është përballur me një situatë në thelb të ndryshueshme, si dhe me sfida themelore në lidhje me autoritetin dhe rolin e tij në Kosovë. Sic i kam komunikuar Këshillit të Sigurimit, në kuadër të këtyre zhvillimeve, vlerësoj se UNMIK nuk mund të kryejë funksionin e tij me aq efektivitet si në kaluarën në të gjithë Kosovën” thotë Ban Ki Moon.

“Duke pasur parasysh që Këshilli i Sigurimit nuk mund të sigurojë drejtimin, kam instrukturuar përfaqësuesin tim special, Lamberto Zannieri që të vazhdojë me rikonfigurimin e UNMIK, me qëllim që UNMIK të përshtatet me këtë realitet të ndryshuar dhe të drejtojë operacionet aktuale dhe më emergjente në Kosovë” thotë Ban Ki Moon.

UNMIK nisi rikonfigurimin pas shpalljes së pavarësisë duke dorëzuar më shumë kompetenca liderëve kosovarë pas hyrjes në fuqi të Kushtetutës më 15 qershor.

Sipas planit të propozuar nga Ahtisari, misioni i BE, EULEX do të vendoset në Kosovë për mbikëqyrjen e respektimit të ligjit. Serbia dhe Rusia janë kundër duke argumentuar se EULEX kërkon të formalizojë pavarësinë e Kosovës. Si Rusia dhe Beogradi refuzojnë të njohin pavarësinë e Kosovës.

Moon raporton KS-në  se ambasadori Zannier do të fillojë dialogun me Beogradin për 6 fushat kryesore me interes të përbashkët, duke përfshirë policinë, gjykatat, doganën, transportin dhe infrastrukturën, kufijtë dhe trashëgiminë kulturore serbe.

(s.g/Balkanweb)