PRISHTINE- Duke komentuar situatën e krijuar në veri të vendit, Pajaziti, si çështje më shqetësuese paraqiti bllokimin e qytetarëve të atjeshëm për shkak të ekzistimit të strukturave paralele, të cilave u konvenon ky bllokim.
Ai ka deklaruar se institucionet kosovare janë pajtuar me bashkësinë ndërkombëtare që të bëjnë aktivitete më të shumta për luftimin e krimit dhe kontrabandës në atë pjesë.
Duke pranuar se institucionet e vendit kanë telashe të mëdha me strukturat paralele, të dala nga zgjedhjet e Serbisë, ministri Pajaziti është shprehur se nuk do të jetë e mundshme që ato struktura të veprojnë gjithnjë atje.
Pajaziti ka theksuar se fajtor për gjithë këtë situatë të krijuar dhe për problemet, që janë duke i ndodhur shtetit të ri të Kosovës në pjesën veriore të vendit, është Beogradi dhe zyrtarët e atjeshëm.
(a.r/telegraf/balkanweb)