PRISHTINË - Ish i dërguari i posaçëm i BE-së për Kosovën, ambasadori Wolfgang Petriç, ka mbështetur bisedimet e drejtpërdrejta mes Prishtinës dhe Beogradit. Në një prononcim të dhënë për BBC-në Petriç ka shprehur qëndrimin e tij pro bisedimeve të drejtpërdrejta mes Kosovës dhe Serbisë.
Gjithashtu ai deklaroi se një ndarje që do të krijonte një entitet me status special do të mund të ishte një zgjidhje kalimtare për veriun e Kosovës. Ai tha se modeli i Bërçkos në Bosnjë e Hercegovinë do të mund të ishte i aplikueshëm edhe për qytetin e Mitrovicës. Mirëpo Petriç tha se Kosova duhet të ruhet në kufijtë e saj aktualë.
Wolfgang Petriç, i cili ka shërbyer si ambasador i Austrisë në OKB në Gjenevë, tha se duhet kërkuar një rol të modifikuar për policët serbë të SHPK-së, të cilët do të duhej të ishin nën mbikqyrjen e misionit evropian për drejtësi dhe polici, EULEX.
(a.s/Balkanweb/RTK)