ANGLI- Një kosovar është arrestuar për komplot me synim vrasjen e kryeministrin britanik Gordon Braun. Lajmi është bërë i ditur nga gazeta britanike “The Evening Telegraph”. Emri i kosovarit 29 vjeçar nuk është bërë publik, por ai është arrestuar bashkë me tre persona të tjerë, të cilët kanë komplotuar edhe vrasjen e paraardhësit të Braun, Toni Bler. Të tre këta persona kanë dalë para gjyqit në Londër të akuzuar për terrorizëm. Ishaq Kani 22 vjeç, Abas Iqbal 23 vjeç dhe vëllai i tij Iljaz Iqbal 21 vjeç nga Blekburni akuzohen se kanë lidhje me grupin terrorist Al Kaeda. Veçanërisht njëri prej tyre Ishaq Kani ka qenë dhe organizatori i komplotit për të vrarë kryeministrin dhe ish kryeministrin. Ai madje ka inkurajuar dhe persona të tjerë të gjithë islamike të bashkohen në grup. Per rolin e kosovarit nuk ka të dhëna të tjera, por mendohet se ka qenë pjesë e këtij grupi. Ndërkohë seancat e radhës për të pandehurit janë caktuar më 19 shtator dhe 1 tetor.
(a.r/news24/balkanweb)