KOSOVE- Policia e Kosovës ka filluar me vendosjen e kamerave policore në vendkalimin kufitar Bërnjak, në afërsi të Zubin Potokut, ka njoftuar zëdhënësi i policisë Veton Elshani-transmetojnë agjencitë. "Kamerat e vendosura nuk kanë të bëjnë me doganën, kjo është punë thjesht policore- sa për të parë veturat dhe njerëzit që kalojnë andej. Logjistika dhe kompentecat për këto kamera janë duar të ndërkombëtarëve“, ka deklaruar Elshani. 
Sllavisha Ristiq nga Zubin Potoku ka deklaruar se nuk ka marrëveshje midis komunitetit serb , UNMIK-ut dhe SHPK-së, për vendosjen e kamerave.
“UNMIK ka nisur me vendosjen e tyre pa marrëveshje dhe bisedime paraprake”, ka thënë ai. Kamera të ngjashme janë paralajmëruar edhe për vendkalimin Jarinjë, pranë Leposaviqit  (a.r/rtk/balkanweb)