Presidenti i Kosoves Sejdiu dekretoi te ngarkuarit me pune ne ambasadat e Kosoves

Vazhdon dhuna në Mitrovicë. Digjen 2 makina në Suhadoll

Sërish incidente në Mitrovicë. Policia konfirmon se dy makina njëra në pronësi të një shtetasi serb dhe tjetra në pronësi të një shtetasi shqiptar janë djegur pasi dy grupe të rinjsh serbë dhe shqiptarë u përleshën me njëri tjetrin. »»

Presidenti i Kosoves Sejdiu dekretoi te ngarkuarit me pune ne ambasadat e Kosoves

05.09.2008 00:02 Kosova - Burimi: 24 Ore Kosova

Presidenti i Kosoves Fatmir Sejdiu duke folur me gazetaret

Në pajtim me nenin 84 pika 10 dhe 25 të Kushtetutës së Kosovës, presidenti Fatmir Sejdiu e miratoi sot listën e të ngarkuarve më punë në ambasadat e para të Republikës së Kosovës. Lista me emrat e të ngarkuarve më punë i ishte dorëzuar presidentit Sejdiu me 28 gusht nga ana e Qeverisë së vendit.

Presidenti Fatmir Sejdiu e ka dekretuar listën e të ngarkuarve më punë në ambasadat e para të Republikës së Kosovës duke i hapur rrugën funksionalizimit të plotë të diplomacisë së shtetit tonë.
Të ngarkuar me punë ne ambasadat e para të Kosovës janë : në Uashinton- Avni Spahiu, në Bruksel- Ilir Dugolli, Paris- Muhamedin Kullashi, Berlin- Vilson Mirdita, Vjenë – Sabri Kiqmari , Londër- Muhamet Hamiti, Bernë-Naim Malaj, Romë-Albert Prenkaj dhe në Ankara- Bekim Sejdiu. Presidenti Sejdiu vlerësoi se institucionet kosovare e kanë bërë një zgjedhje shumë të mirë të të ngarkuarve me punë.
“ Është me rëndësi që e kemi kryer këtë punë. Është një vendim pas konsultave të gjata. Mendoj se kemi bërë një zgjedhje jashtëzakonisht të mirë të të ngarkuarve me punë dhe besoj se Ministria e jashtme do t'i marrë të gjitha veprimet e nevojshme për t’i kryer aspektet logjistike për të pasur një fillim të mirë “, tha presidenti me këtë rast.
Numri një i shtetit tha se Kosova së shpejti do ta zgjerojë rrjetin e saj diplomatik.
Ndërkaq, i ngarkuari me punë në ambasadën e Republikës së Kosovës në Uashington, Avni Spahiu tha se si prioritet i tij do të jetë forcimi dhe mbajtja e lidhjeve me Shtetet e Bashkuara të Amerikës.
Prioritet tjetër, sipas Spahiut ,do të jetë edhe ndihmesa për komunitetin shqiptarë që jeton në Amerikë si dhe lobimi për njohjen e pavarësisë edhe nga ato shtete që deri më tani nuk e kanë bërë një gjë të tillë .
Qeveria ka ndarë një buxhet prej 25 milion euro për blerjen e objekteve të ambasadave të Kosovës në vende të ndryshme të botës, ndërkaq të ngarkuarit me punë pritet që të vendosen në ambasadat e Kosovës në muajin tetor.

Artikullin origjinal mund ta lexoni ketu

lajme.parajsa.com