Prishtina hedh poshtë propozimin e Karl Bilt për mbetjen e UNMIK-ut në Kosovë edhe pas rikonfigurimit

16.07.2008 00:24 Kosova - Burimi: 24 Ore Kosova

Ushtare te KFOR-it ne Gazimestan

Prishtina zyrtare e ka hedhur poshtë propozimin e ministrit të jashtëm suedez, Karl Bilt, që UNMIK-u të vazhdojë të mbetet në vendbanimet serbe edhe pas përfundimit të procesit të rikonfigurimit të pranisë ndërkombëtare në Kosovë. “Në Kosovë nuk mund të ketë dy misione të ndara të mbikëqyrjes për një etni“, tha presidenti Fatmir Sejdiu, me që propozimet që mund të nxisin edhe temën e ndarjes së Kosovës, janë krejtësisht të papranueshme për institucionet e vendit. Propozimet që mund të nxisin temën e ndarjes së Kosovës, janë krejtësisht të papranueshme për Prishtinën zyrtare, tha sot presidenti i Republikës, Fatmir Sejdiu. Komentet e tij pasuan propozimin e ministrit të Jashtëm suedez, Karl Bild, që UNMIK-u të vazhdojë të mbetet në vendbanimet serbe edhe pas përfundimit të procesit të rikonfigurimit të pranisë civile ndërkombëtare në Kosovë.

“Ne e kemi shprehë qëndrimin tonë dhe nuk dua të komentoj qëndrime që janë jashtë asaj pjesë të qëndrimeve të përbashkëta ndërkombëtare. Unë kam qenë në Këshillin e Sigurimit dhe është bërë debati si është bërë dhe dihet natyra e këtij procesi të paraparë edhe me vet raportin e Sekretarit të Përgjithshëm të OKB-së, me letrën që na e ka dërgua dhe presim që ky proces të përfundojë shumë shpejtë dhe ashtu siç është parashikuar në tetor të barten kompetencat në EULEX “, pohoi Sejdiu .

Sipas kreut të shtetit në Kosovë nuk mund të ketë dy misione ndërkombëtare të ndara.

“Në Kosovë nuk mund të ketë dy misione të ndara, apo misione privilegjesh, apo të kontrollit, apo të mbikëqyrjes për njërën etni, ose për etninë tjetër dhe në natyrën më të keqe të inicimit të temave të ndarjes së Kosovës, apo pjesës së izoluar nga tërësia. Ne i kemi kundërshtuar në vazhdimësi nëse kanë ardhur nga qarqe të caktuara, por jo zyrtarisht. Prandaj për ne janë totalisht të papranueshme idetë e tilla” , tha Sejdiu.

Sidoqoftë procesi i rikonfigurimit të pranisë civile ndërkombëtare në Kosovë është paraparë të përfundojë deri të tetor. Autoritete kosovare presin që përgjegjësitë e UNMIK-u të kalojnë deri në atë kohë tek misionin i EULEX-it. Por sipas parashikimeve ky proces mund të has në vështirësi për shkak të mbetjes në fuqi të rezolutës 12 44 mbi bazën e së cilës UNMIK-u është duke vepruar në Kosovë.

Artikullin origjinal mund ta lexoni ketu

lajme.parajsa.com