PRISHTINE-Kreu i Qeverisë së Kosovës, Hashim Thaçi në mbledhjen e sotme të kabinetit qeveritat publikoi emrat e dhjetë të ngarkuarve të parë në ambasadat e Republikës së Kosovës në botë. Kryeministri Thaçi tha se sot po fillon ndërtimi i gjeneratës së diplomatëve tanë të cilët janë njerëz me veti të larta kombëtare, vizion dhe përkushtim. “Sot është një moment shumë i rëndësishëm për vendin tonë, ata do të kenë nderin dhe përgjegjësinë që ta përfaqësojnë vendi tonë”, theksoi kryeministri Thaçi duke shtuar se përzgjedhja e këtyre emrave është bërë pas shumë konsultave brenda institucioneve të Kosovës dhe miqve ndërkombëtarë.

Ndërsa, ministri i Punëve të Jashtme Skënder Hyseni, tha se sot po rrumbullakohet një pjesë shumë e rëndësishme e procesit për shtetin e Kosovës duke bërë publik në vazhdim emrat e të ngarkuarve të parë me punë në ambasadat e Kosovës.

Po sot Qeveria e Kosovës do ti dorëzojë listën me emrat e propozuar presidentit Sejdiu i cili pritet ti dekretoj së shpejti.

Ambasadoret

1-Avni Spahiu në Washington,
2-Sylejman Gashi në Nju-Jork, 
3-Muhamet Hamiti ne Londer,
4-Vilson Mirdita ne Berlin,
5-Muhamedin Kullashi ne Paris,
6-Albert Prenkaj ne Rome, 
7-Ilir Dugolli ne Bruksel
8-Naim Mala ne Berne,
9-Gezim Pula ne Tirane,
10-Sabri Kiçmari ne Vjene
11- Bekim Sejdiu ne Ankara

(d.b/RTK /Balkanweb)