MITROVICE- Kryetari i Mitrovicës, Bajram Rexhepi në një intervistë për radion “Blue Sky” ka deklaruar se raporti i Kombeve të Bashkuara për ngjarjet e 17 marsit në gjykatat në Mitrovicë, i amniston veprimet e dhunshme të ekstremistëve serb që shkaktuan vrasjen e një polici të UNMIK-ut.
Rexhepi tha se raporti dukej se ishte i përpiluar nga administratori rajonal i UNMIK-ut në Mitrovicë, Gerard Galluci i cili kishte kundërshtuar operacionin e 17 marsit.
“Mendoj se nuk është një raport real për arsye se KFOR-i dhe polica kanë qenë të detyruara të përdorin forcën, kanë qenë të sulmuara me granata e me armë zjarri kështu që në raste të tilla s'u mbetet tjetër por të veprojnë. Ky raport duket sikur të ishte I përpiluar nga z.Galluci e sigurisht edhe ai është i implikuar në përpilimin e tij”, ka thënë ndër të tjera Rexhepi.
(a.r/telegraf/balkanweb)