WASHINGTON- Delegacioni kosovar i përbërë nga presidenti i Kosovës, Fatmir Sejdiu dhe kryeministri, Hashim Thaçi do të takohen nesër me presidentin Bush në Shtëpinë e Bardhë. Takimi i cili është takimi i parë zyrtar si udhëheqës të Kosovës së pavarur është cilësuar si historik jo vetëm për udhëheqësit kosovarë por edhe për SHBA.
Sekretarja e Departamentit të Shtetit, Condoleezza Rice e quajti takimin me pëerfaqësuesit e lartë kosovarë, tashmë që Kosova ka shpallur pavarësine, që u zhvillua të premten, si një moment historik.
Ajo i siguroi udhëheqësit kosovarë se SHBA-ja do të vazhdojë ta mbështesë Kosovën në të gjitha mënyrat.
Pas takimit, në prani të presidentit Sejdiu dhe kryeministrit Thaçi, zonja Rice deklaroi se SHBA-ja do ta ndihmojë Kosovën për ndërtimin e një qeverie dhe shoqerie multi-etnike dhe të institucioneve demokratike.

(s.g/Balkanweb)