WASHINGTON- Sekretarja amerikane e Shtetit, Kondoleza Rajs zyrtarizon emërimin e ambasadores së parë amerikane në Kosovë, 5 muaj pas deklarimit të pavarësisë së Kosovës nga Serbia.

Në një konferencë të përbashkët shtypi me presidentin kosovar, Fatmir Sejdiu dhe kryeministrin kosovar Hashim Thaci, që u zhvillua dje në Washington Rajs deklaroi se detyra e diplomates amerikane në Prishtinë i është besuar Tina Kaidanow.
Rreth 43 shtete, mes të cilave dhe SHBA, Italia, Franca kanë njohur pavarësinë e Kosovës, ndërsa nuk pranojnë të njohin pavarësinë e saj, (përvec Serbisë), Spanja, Kina dhe Rusia.

Presidenti kosovar, Fatmir Sejdiu, dhe kryeministri Thaci ndodhen prej disa ditësh në Washington në një vizitë zyrtare, e para pas shpalljes së pavarësisë së Kosovës. Gjatë ditës së djeshme dy udhëheqësit kosovarë u takuan me Sekretaren amerikane të Shtetit, Kondoleza Rajs e cila u shpreh e bindur se Kosova do të ketë të ardhme të shkëlqyer, dhe konfirmoi mbështetjen e Washingtonit për Kosovën.
Presidenti Sejdiu dhe Kryeministri Thaçi do të takohen me Presidentin Bush të hënën në Shtëpinë e BardhëPritet që Presidenti Bush t’u shprehë dy udhëheqësve mbështetjen e tij të fortë ndaj përpjekjeve të qeverisë së Kosovës për krijimin e një shteti demokratik, të begatë dhe shumëetnik, institucionet e të cilit, t’u shërbejnë gjithë qytetarëve të Kosovës.
(s.g/ANSA/Balkanweb)