Ferizaj, 7 mars 2011 - Fillimi i këtij viti ka shënuar rritje të aksidenteve me fatalitet, që përbënë një statistikë jo të kënaqshme për policinë Rajonale të Ferizajt. Edhe përkundër masave të shumta që janë ndërmarrë nga ana e pjesëtarëve të policisë për të ndikuar në zvogëlimin e rasteve, kjo nuk po ndodhë, ndërsa shkas kryesor që po ndikojnë në këtë dukuri thuhet të jetë tejkalimi i shpejtësisë. Zyrtari për informim pranë Drejtorisë së Policisë Rajonale në Ferizaj Toger Agim Gasi sot na informoj se rreth orës 08 të mëngjesit, Policia është informuar se në Magjistralen  Ferizaj Kaçanik në afërsi të punëtorisë ,,Dremjaku"� në Ferizaj, ka ndodhur një aksident komunikacioni me lëndime të rënda trupore.

Njësiti i Trafikut Rajonal ka dal në vendngjarje ku sipas hetimeve fillestare deri te aksidenti ka ardhur kur ngasësi i veturës Mercedes  me tabela KS,  L. L, ishte duke lëvizur në drejtimin  të rrugës Ferizaj Prishtinë  ku gjithashtu në të njëjtin drejtim ishte duke lëvizur edhe biciklisti A.H. 52 vjeçar nga Ferizaj , i cili në momentin e tejkalimit nga ana e ngasësit të automjetit, biçiklisti përnjëherë  ka prerë rrugën në të majtë dhe me ketë rast goditet me pjesën e parë të veturës duke i shkaktuar lëndime të rënda fizike.

Pas dërgimit në Emergjencën në Ferizaj , viktima ka ndërruar jetë të cilën e ka konfirmuar mjeku kujdestar.

Lidhur me rast është njoftuar Prokurori i Prokurorisë së Qarkut-Prishtinë, me urdhrin e tij  kufoma dërgohet për obduksion në Mjekësinë Ligjore në Prishtinë. Sido që të jetë edhe ky rast ka shkaktuar dhembje dhe indinjatë sepse brenda një muaji janë shkaktuar edhe aksidente  të tjera komunikacioni që si pasojë kanë marrë vdekjen dhe lëndimin e shumë personave. /KI/