Haradinaj kthehet në Hagë

24.06.2012 12:02 - Kategoria: Kosova

Ish kryeministri i Kosovës, Ramush Haradinaj, është rikthyer të premten në Tribunalin e Hagës, kanë konfirmuar për portalin "Korieri" burime të sigurta brenda Aleancës për Ardhmërinë e Kosovës.

Haradinaj ka arritur në Tribunalin e Hagës, dy ditë para se të mbahen dy seancat përmbyllëse të procesit gjyqësor kundër ish kryeministrit të Kosovës Ramush Haradinaj dhe dy ish bashkëluftëtarëve të tij, më 25 dhe 26 qershor, në të cilat Prokuroria dhe Mbrojtja do të thonë fjalën përfundimtare, për t'i lënë pastaj kohën për rreth dy muaj trupit gjykues që të marrë një vendim përfundimtar për këtë rast.

Vendimi përfundimtar pritet të merret në fund të muajit gusht ose eventualisht gjatë muajit shtator, transmeton "Zëri".

Lideri i Aleancës për Ardhmërinë e Kosovës iu bashkua përkohësisht familjes së tij më 10 maj, pas vendimit të Gjykatës Ndërkombëtare për krime lufte në hapësirat e ish-Jugosllavisë, që ta lirojë përkohësisht atë.

Gjatë qëndrimit disa javor në Kosovë, Haradinaj shoqërohej nga Policia e Kosovës dhe forcat e EULEX-it, pasi gjykata e liroi atë nën kushte të rrepta që nënkupton lëvizje të kufizuar dhe që të mos ketë asnjë përfshirje në veprimtari politike apo paraqitje publike. /Telegrafi/

Burimi: Lajmpress Kosova

Artikullin origjinal mund ta lexoni ketu

lajme.parajsa.com

Komentoni artikullin

Emri:
E-Mail:
Komenti:
Kodi:
	* Mesazhi juaj do aprovohet shume shpejt nga stafi yne!

Tweet

• Pesë persona arrestohen për krime lufte kundër civilëve Policia e EULEX-it në bashkërendim me Njësinë e Operacioneve Speciale të Policisë së Kosovës (ROSU), kanë arrestuar pesë persona, nën dyshimet për krime lufte. »»
• Tre arrestime, trafikonin shqiptarë për prostitucion e lëmoshë – Burimet e Policisë së Kosovës kanë bërë të ditur se kanë arrestuar tre të dyshuar, që trafikonin në Kosovë, viktima për prostitucion dhe kërkuar lëmoshë. »»
• Kuvendi i Kosovës: Për Trepçën nuk mund të vendosë Serbia Gjatë seancës së sotme të Kuvendit të Kosovës, deputetët e opozitës kanë kritikuar Qeverinë e Kosovës rreth nënshkrimit të një marrëveshjeje javën e kaluar mes një kompanie amerikane dhe ministrit të Resurseve Natyrore dhe Minierave të Serbisë, Millan Baçeviç për Trepçën. »»
• Gjuetia e EULEX pas "krimeve" të ish-komandantëve të UÇK-së Para pak ditësh, ambasadori i Kosovës në Shqipëri, Sylejman Selimi kishte kontaktuar me miqtë e tij në Prishtinë dhe i kishte pyetur për rrezikun e arrestimit të tij nga EULEX-I, nëse kthehet në vendlindje. »»
• EULEX-i, apel grave në Kosovë: Raportoni dhunën gjatë luftës Që gratë e dhunuara gjatë luftës të gëzojnë të drejtat e tyre si viktima civile të luftës, do të duhet shumë mund dhe kohë, por misioni evropian për forcimin e sundimit të ligjit në Kosovë (EULEX), sipas drejtuesit të tij, është i gatshëm ta shtyjë përpara këtë çështje. »»