Autorja e librave me personazhin popullor Harry Potter, J K Rowling, ka fituar në gjyq kundër një të apasionuari pas veprës së saj, Steven Vander Ark, i cili donte të botonte një enciklopedi të bazuar në botën e djaloshit magjistar

Një gjykatës në Nju Jork u shpresh se botimi "Leksiku i Harry Potter-it" duhet ndaluar, ngaqë nuk përdor në mënyrë të ndershme veprën e shkrimtares JK Rowling.

Materiali ishte futur ndërkohë në një faqe interneti shumë të frekuentuar, e cila drejtohej nga ish-punonjësi i një biblioteke shkolle, Steven Vander Ark.

Zonja Rowling tha se publikimi dhe shitja e enciklopedisë në formën e një libri ishte hiç më pak se "vjedhje me shumicë". Autorja e "Harry Potter-it" thotë se ka ndërmend ta shkruajë vetë një enciklopedi të tillë dhe fondet e siguruara nga shitja e saj t'i japë për bamirësi.