I prisnim prej kohësh dhe ja më në fund! Heroinat e “Sex & the City” kanë zbarkuar në ekranin e madh për të na hequr trurin sërish me aventurat e tyre të çmendura. Në program: veshje, modë, burra, biseda djallëzore... gjithçka që na pëlqen neve! Ndaj vështirë të mos identifikohemi me to dhe ta shohim veten pa pikën e problemit sa gjerë e gjatë Manhattan-it, me taka gjilpërë dhe kostum Chanel. 

Si ndihesh: më shumë Carrie, Charlotte, Miranda apo Samantha? Bëj menjëherë testin dhe cila “Sex & the city girl” fshihet brenda teje:

1. Për ty, takimi i parë ideal është:

a. Një darkë në një restorant “in”: edhe nëse del një dështim, të paktën ke ngrënë mirë në një restorant luksi – 3 pikë

b. Një drekë në një restorant në qoshe të zyrës tënde: e thjeshtë për t’u kombinuar me impenjimet e tua – 2 pikë

c. Një mbrëmje në diskotekë: të shohësh se si kërcen një burrë është esenciale për të kuptuar sex-appeal-in e tij – 4 pikë

d. Një shëtitje në një vend të bukur. Ideal për të kuptuar nëse është inteligjent dhe ka shije të mirë – 1 pikë

2. Bëre shumë mirë që e bleve atë fustanin me dekolte të madhe dhe që zgjodhe atë lokalin trendy. Prova: një alamet tipi të ofron një pije. Porosit:

a. Një “Sex on the beach”, një koktej me bazë vodke, lëng portokalli dhe manaferrash – 2 pikë  

b. Një Martini – 1 pikë

c. Një gotë shampanjë – 3 pikë  

d. Diçka të fortë. Një whisky on the rocks, për shembull – 4 pikë

3. Plateau (këpucë me takë të lartë dhe bazament përpara) janë super në modë këtë verë. Për të dalë, do t’i vishje këto këpucë me:

a. Një palë xhinse të gjera dhe një këmishë hippie chic – 2 pikë

b. Një fustan të kuq me jakë peliçe – 4 pikë

c. Një palë pantallona të shkurtra, një kanotierë dhe një triko – 1 pikë

d. Një fustan të zi të thjeshtë, me një çantë të së njëjtës ngjyrë – 3 pikë  

4. Të lumtë, i arrite objektivat e vendosur në zyrë dhe tani të pret një super shpërblim prej 5000 eurosh. Çfarë bën me këto para?

a. Shopping – 1 pikë

b. Shkon me pushime – 2 pikë

c. Ble një divan të ri design – 3 pikë

d. Organizon mbrëmjen e vitit: 200 persona, shampanjë sipas qejfit dhe super DJ – 4 pikë

5. Martesa? Pse jo? Më kusht që ti të mund:

a. Të vazhdosh të flasësh me shoqet e tua, mamin dhe motrën. Edhe nëse telefonojnë tre herë në ditë – 3 pikë

b. Të kesh pak kohë për veten tënde – 1 pikë  

c. Të jesh e lirë të dalësh me kë të duash, kur të duash, pa i dhënë llogari askujt – 4 pikë

d. Të kesh llogarinë tënde në bankë dhe apartamentin tënd – 2 pikë  

6. Ndihesh pak si e trishtuar sot. Çfarë ta ngre moralin?

a. Një palë këpucë të reja – 1 pikë

b. Një festë mes shoqesh – 2 pikë

c. Një tortë me çokollatë – 3 pikë

d. Një natë “caliente” – 4 pikë

7. Nëse do të merrje spunto nga look-u i Diane Kruger, do të preferoje:

a. Çantën e pakohë “Chanel” – 4 pikë

b. Veshjen e kontraktuar bardhezi – 3 pikë

c. Këpucët e leoparduara superfemërore – 1 pikë

d. Asgjë, ky look nuk më pëlqen aspak – 2 pikë

8. Çfarë mendon për besnikërinë?

a. Është evidente kur je e dashuruar – 3 pikë

b. Është një objektiv që duhet mbajtur ndër mend, edhe pse nuk është gjithmonë e thjeshtë – 1 pikë

c. Është një provë respekti mes partnerëve, thelbësore për një çift stabël – 2 pikë

d. Nuk mendon se është e mundur të qëndrosh gjatë – 4 pikë

9. Ka diçka që nuk ke guxuar kurrë t’ia thuash shefit tënde, edhe pse ke shumë dëshirë. Dhe është:

a. Çfarë ke në portofol, një fermë për rritjen e iriqëve? – 1 pikë

b. Jam më e mira. Jam unë që e meritoj promocionin jo ajo idiotja, Elisabeta – 2 pikë

c. Ajo është një e paaftë. Me kë ka shkuar në shtrat që është ngjitur kaq shumë në përgjegjësi? – 4 pikë

d. Duhet t’u flasësh pak më mirë vartësve të tu. Nuk është kjo mënyra se si trajtohen njerëzit që punojnë për ty – 3 pikë

1- 9 pikë

Carrie, fashion-istja e lëkundur

Ikona ime njujorkeze

Glamour, moderne, e çmendur pas diskotekave... si Carrie, je një “vajzë prej vërteti”, që pranon pa komplekse mendjelehtësinë tënde. Kurioze dhe gjithmonë në modë, të pëlqejnë diskotekat trendy, restorantet “in”, veshjet që bien në sy. Spontane dhe e lezetshme, je tipi i shoqes që të gjithë e adhurojnë.

Pikat e mia të forta

Nën aparencën e vajzës sipërfaqësore, je në fakt shumë inteligjente dhe pikërisht për këtë të tjerët të duan. Edhe pse je brilante, nuk e merr veten kurrë shumë seriozisht. Je një psikologe e mirë dhe ke një ndjeshmëri dhe aftësi të pabesueshme për të analizuar, gjë që të lejon t’i kuptosh shumë shpejt të tjerët.

Defektet e mia të vogla

E pakënaqur e përjetshme, tenton të analizosh gjithçka e të bësh njëmijë pyetje. Problemi është që, duke u përpjekur t’u shpëtosh risqeve, lë të të ikë burri i jetës tënde.

Burri im ideal

I bukur, brilant, karizmatik. Sepse nuk do arrije të kënaqeshe me një bukurosh sipërfaqësor pa sens humori dhe shpirt kritik. Ke nevojë për një burrë të këndshëm si ti, që të kupton dhe të stimulon intelektualisht.

Batuta historike e Carrie-t

“Betohu për Chanel-in!”

“Burrat janë si fjalët e kryqëzuara të “New York Times”: të vështirë, të dykuptimtë dhe nuk je asnjëherë e sigurt nëse ke marrë përgjigjen e duhur”

9 – 19 pikë

Miranda, karrieristja pragmatike

Ikona ime njujorkeze

I ngjan shumë Mirandës, avokates brilante karrieriste të “Sex & the city”. Ambicioze  si ajo, mendon për punën para së gjithash. Edhe pse nuk di të rrish pa punuar, nuk e refuzon kurrë një pije me shoqet e tua. Realiste dhe pragmatike, pas një fasade cinike dhe një sensi humorizmi goditës fsheh një ndjeshmëri të madhe.

Pikat e mia të forta

E vullnetshme, e prerë, e pavarur: di se çfarë do dhe se si ta marrësh. Je një luftëtare e vërtetë, e aftë të përballosh çdo lloj sfide. Inteligjenca është një nga pikat e tua më të forta.

Defektet e mia të vogla

Të pëlqen të kontrollosh situatën dhe për pasojë e ke të vështirë ta lësh veten të lirë. Je shumë e arsyeshme, nuk u lë hapësirë pasioneve të tua dhe zgjedh gjithmonë opsionin më të vështirë. Ke tendencën për të racionalizuar gjërat.

Burri im ideal

Ke nevojë për siguri. Të pëlqejnë burrat ambiciozë, si ty, me një situatë sociale të stabilizuar dhe komforte. Ke nevojë të jesh e bindur.

Batuta historike e Mirandës

“Nuk mund t’ia lejoj vetes të kem një fëmijë. Mezi arrita të gjej edhe pak kohë për të programuar abortin”

19 – 29 pikë

Charlotte, ëndërruesja romantike

Ikona ime njujorkeze

Shoqet e tua të thërrasin “perfektja”. E qeshur, diskrete, gjithmonë e tërhequr nga shkëlqimi, je një vajzë për së mbari. Idealiste dhe romantike, beson tek princi i kaltër. Në marrëdhëniet në çift, do që gjithçka të jetë absolutisht perfekte dhe je gati të bësh gjithçka që të jetë ashtu. E nëse je single, ke vetëm një ide në kokë: të mos rrish ashtu.

Pikat e mia të forta

E ëmbël dhe e kujdesshme me të tjetër, je me të vërtetë një vajzë shumë e mirë. Një shpatull që ngushëllon, mbi të cilën shoqet e tua e dinë se mund të mbështeten në momente të vështira. Të çmojnë për besnikërinë dhe ndershmërinë tënde pa kompromise.

Defektet e mia të vogla

Për shkak të edukatës tënde mjaft tradicionale, ke trashëguar disa tabu të vështira për t’u thyer. Në jetën e përditshme, ashtu si edhe në jetën dashurore dhe seksuale, e ke të vështirë të jesh e çlirët. Mos beso në idealizmin tënd të madh (që disa e quajnë naivitet), sepse nëse zhgënjehesh, zgjimi mund të jetë shumë i dhimbshëm.

Burri im ideal

Potent, mbrojtës, bindës: është figura e përsosur. Shmang egoistët që përfitojnë nga natyra jote shumë e butë për të imponuar ide. Por gjej dikë që të të bëjë të qeshësh dhe të të ndihmojë që të çlirohesh pak nga vetvetja.

Batuta historike e Charlotte

“Shoh burra që kur isha 15 vjeç, jam e lodhur. Po ku është? (e ka fjalën për burrin e jetës së saj)”

29 –39  pikë

Samantha, ngrënësja pa komplekse e burrave

Ikona ime njujorkeze

Ashtu si Samantha, mishëron simbolin e gruas moderne, të lirë, të pavarur. Joshëse në shpirt, di të shfrytëzosh sex appeal-in tënd. Seksi nuk të tremb dhe besnikëria nuk është pika jote e fortë. E thënë troç, ndonjëherë mërzitesh dhe preferon të ndryshosh partner herë pas here.

Pikat e mia të forta

Guximi, besimi tek vetja, forca e karakterit. Je një grua e fortë, një lider. E lehtë dhe e këndshme, ke gjithçka që duhet për të qenë shpirti i një feste mes shoqesh, me forcë batutash dhe barsoleta pikante.

Defektet e mia të vogla

Nën fasadën prej “femme fatale” fsheh një mungesë besimi ndaj burrave. Gjë që shpjegon se pse ti e ke të vështirë të impenjohesh me të vërtetë me ta. Një pikë tjetër e dobët: je pak egoiste dhe mendon para së gjithash për veten tënde, pa marrë në konsideratë ndjenjat e partnerëve të tu.

Burri im ideal

Nuk të pëlqejnë historitë e dashurisë tradicionale. Ke nevojë për një burrë seksi – sigurisht – por edhe të hapur e të pavarur. Esenciale është që të duash veten ashtu siç je për të nxjerrë në pah aftësitë e tua, që i bëjnë të tjerët të të duan.

Batuta historike e Samantha-s

“Nuk besoj as në kahun e majtë, as në kahun e djathtë. Besoj vetëm në qendër... të trupit”