Më 27 nëntor këngëtarja shqiptare Elina Duni këndon në qendrën kulturore të zvicrës në Paris. E lindur në Tiranë më 1981, në një familje artistësh, Elina u ngjit në skenë për herë të parë në moshën 5-vjeçare dhe paralelisht studioi violinë. Ndërmjet viteve 1986-1991, ajo merr pjesë në festivalet e fëmijëve dhe këndon për Radion dhe Televizionin Shqiptare.

Më 1992, mbërrin në Gjenevë së bashku me nënën e saj. Fillon atëherë aventura zvicerane me muzikën: studion piano klasike në Konservatorin e Muzikës po në Gjenevë dhe ndërkohë ajo zbulon pasionin për jazz-in.

Më 2000, pasi mori diplomën e Pjekurisë Artistike, Elina nis studimet në L’Ecole de la Vie. Gjatë kësaj kohe interpreton në filmin shqiptaro-zviceran ”Yllka” një autobiografi e shkruar nga e ëma Besa Myftiu. Jep disa koncerte jazz-i në Shqipëri e shoqëruar në piano nga Gentian Rushi (Cd ”Live in Tirana”) dhe interpreton në teatër në Trilogjinë nga Çehovi, vënë në skenë nga i ati, regjisori Spiro Duni.

Së bashku me José Luis Asaresi, ajo themelon grupin ”Extrangers in the Noise”, (Cd ”Harpatic”, Empiriko) – tingujt elektrikë përzihen me absurditetin e jetës – më pas niset drejt Nju Jorkut.

Me t’u rikthyer në Zvicër, interpeton sërisht në teatër ”Prova e të kundërtës” e vënë në skenë në Gjenevë ngaFreddy Porras.

Më 2005 vlerësohet me Çmimim Special të Jurisë në festivalin ”Netët e klipit” në Tiranë, për Cd ”Lakuriq” me grupin nga Prishtina ”Retrovizorja”.

Kishte nisur ndërkohë studimet për kompozim në Haute Ecole des Arts të Bernës, në degën jazz.

Këtu krijon Elina Duni Quartet së bashku Colin Vallon në piano, Bänz Oester bas dhe Norbert Pfammatter në bateri – një kthim tek burimet muzikore ku përzihen këngët foklorike ballkanike me jazz-in.

Më 2007, është laureate me bursën ”Friedl Ëald”. Gjatë vitit që po lëmë pas ajo ka interpretuar në ”Langnau Jazz Nights” dhe në ”Festival Onze Plus” ku është prezantuar si ”e paprituara më e bukur muzikore e shekullit të 21 në Zvicër”.