Fakte të reja në dobi të historiografisë

Restaurimi i Bizantit

Averil Cameron, autorja e veprës historike ”Bizantinët”, sot në Tiranë, në Bibliotekën KombëtareKa pak kohë që në shqip është botuar vepra ”Bizantinët” e Averil Cameron. »»

Fakte të reja në dobi të historiografisë

26.11.2008 06:04 Kulture - Burimi: Kosova SOT Kulture

Ka përfunduar punimet dyditore konferenca shkencore "Demonstratat e vitit 1968", organizuar në 40-vjetorin e këtyre demonstratave. Në konferencë morën pjesë mbi 150 studiues të fushave të ndryshme ngaÂ Kosova, Maqedonia, Shqipëria, por edhe nga vendet e tjera të Evropës, të cilët hodhën dritë mbi organizmin e ilegales kosovare të kohës, organizimin e demonstratave, organizatorët, jehonën që patën ato, etj. Historiani mr. Frashër Demaj, sekretar i Institutit të Historisë, tha se demonstratat e vitit 1968 bënë një kthesë historike dhe ngritën vetëdijen e popullit shqiptar në kërkim të realizimit të interesave të tij. Ai ka thënë se historiografia shqiptare ende nuk e ka thënë fjalën e saj për këto ngjarje të rëndësishme. "Duhet të bëjmë një analizë profesionale mbi bazën dokumentare, mendoj se është koha të hapen dokumente dhe të bëhet një hulumtim i mirëfilltë për demonstratat e vitit 1968", ka thënë Demaj. Konferenca është organizuar nga Shoqata e të burgosurve politikë të Kosovës, Instituti i Historisë, Instituti i Albanologjisë, Muzeu i Kosovës dhe Arkivi i Kosovës.
Në kuadër të manifestimeve të 40-vjetorit të demonstratave të vitit 1968, në Muzeun e Kosovës do të hapet e ekspozita "Demonstratat e vitit 1968".
I. Vatovci

Artikullin origjinal mund ta lexoni ketu

lajme.parajsa.com