Nuk është thjesht çështje arome. Ajo që një parfum i bën të tjerët të provojnë kur e nuhasin, ka të bëjë mbi të gjitha me shpërthimin e brendësisë së esencave që krijojnë ndjesi të veçanta. Zbuloni brendësinë e disa prej fragrancave që të bëjnë të ndihesh e dëshiruar

Insolence, Guerlain

Vjollcë dhe iris. Përzierja delikate e këtij parfumi aromatizon në mënyrë diskrete. Bëhet njësh me lëkurën dhe nuk humbet në ajër.

Carribean Vanilla, Perlier

Vanilja, zemra e këtij eau de toilette, ka një aromë të thellë dhe lehtësisht afrodiziake. Ç’duhet më shumë për të joshur butësisht?

Encens Epice, Il Profumo

Ky parfum me nuanca të lehta temjani, është i prodhuar me një teknikë të tillë, që të lërë në trup vetëm një aromë të lehtë, fare të lehtë, por që zgjat gjatë gjithë ditës.

Rose Essentielle, Bulgari

Trëndafili, protagonisti i këtij eliksiri, është lulja më e brishtë dhe femërore. Gjetja ideale për një parfum që të qëndron në trup gjatë gjithë ditës.

Eau de Reglisse, Caron

Jamball, mandarinë dhe pak borzilok. Receta e kësaj fragrance ka në bazë veçse freskinë. Sikur të kishe hedhur mbi trup një buqetë pranvere.

Patchouli, Reminiscence

Një buqetë me shpirt të ëmbël dhe dehës. Një magji që të bën të fluturosh mbi Indi dhe Orient.

Fleurs d'Ombre, Jean Charles Brosseau

E vë theksin mbi freskinë buqeta e luleve të bardha të këtij parfumi. Një përzierje jasemini, manushaqesh dhe myshku.

Aqua Allegoria Grosellina, Guerlain

Ky parfum është i ngjashëm me një kafshim frutash. Aroma e thartë e rrushit të kuq është e freskët dhe djallëzore. Të jep energji dhe forcë.

Musk, Alissa Ashley

Aroma e myshkut që karakterizon parfumin është e lehtë dhe e freskët. Edhe nëse sprucohet në të gjithë trupi, nuk bëhet kurrë e rëndë.