Nuk e kemi fjalën për ndonjë gjethe diku në pjesën ballore të trupit. Është fjala për dizenjon më pranverore që ka çelur nëpër copat e derdhura dhe aksesorët e stinës së bukur

Klaudeta Skënderasi

 Sapo ditët bëhen paksa më të ngrohta, vrapojmë të selektojmë nëpër koleksionet e sezonit pranverë-verë veshjet me lule. Dhe sigurisht, kemi gjetur me shumicë. Nuk ka nevojë të kërkosh për trendin e momentit. Dihet. Në pranverë është përherë i njëjti: të vishesh me lule. Por, a do kishin kuptim lulet pa kornizat e gjelbra të gjetheve? Sigurisht që jo! Ja pra, edhe një tendencë tjetër: të vishesh me gjethe! Por që janë të stampuara nëpër copa. Ju lutemi, mos keqkuptoheni dhe vraponi të shkulni shkurret e pemët.