Nga flokët te këpucët: gjithë tendencat e kësaj stine, e cila ka sjellë vërtet ide të reja. Ja çfarë duhet të zgjedhësh

Flokët

Fillojmë me flokët për vetë pozicionin e tyre. Këtë dimër flokët (po i biem shkurt) duhet të jenë të gjatë, shumë madje. Flokët e shkurtër mund të shpëtojnë duke u stiluar punk në krehje të ekzagjeruara. Ndërsa gjatësia mesatare do t’ju shërbejë për të kaluar në flokë të gjatë. Extension-i bën punë për ato që i kanë ligje ofertat që flasin në emër të modës. Sa i përket krehjes, dy ekstremet qëndrojnë afër: ose shumë të drejtë, ose voluminozë; me onde të mëdha ose të shkatërruara. Vija e flokëve duhet bërë në qendër, ndërsa flokët mund të derdhen mbi kraharor nga të dyja anët. Balluke? Si të dëshironi. Të drejta, poshtë vetullave, edhe ato nuk të lënë larg tendencave që po afrojnë. Por, më shumë se gjithçka, flokët duhet të jenë të shëndetshëm, të shkëlqyeshëm.

Aksesorët

Hyni me të dyja këmbët në modën e kësaj stine, duke mos lënë pas dore detajet. Duke përdorur aksesorët e rinj, ju do ndiheni më brenda kohës. Kapela si kambana për një look femëror, çanta super klasike, që e bëjnë elegante çdo veshje, doreza të gjata lëkure, çizme të shkurtra me taka shumë të larta dhe syze optike (po të mbani) me skelet prej “profesoreje”  të rreptë.

1. Kapelat si kambana. Këtë vjeshtë-dimër përdorni kapela, sidomos ato në formë kambane (cloche).

2. Çanta. Çantat duhet të jenë ultra klasike e mundësisht prej materiali të çmuar.

3. Varëse të mëdha. Varëset e mëdha që tërheqin vëmendjen janë ofertat më të fundit të modës.

4. Shallet. Vërtet të ekzagjeruar në përmasa shallet e leshit për këtë dimër.

5. Brezat e lartë. Brezat e lartë vendosen jo vetëm në bluzë, por edhe në xhaketa ose pelerina.

6. Çorapet. Të trasha dhe pa shkëlqim, çorapet kthehen në modë në të gjitha ngjyrat, sidomos të zeza.

7. Syze dielli. Syzet e diellit (edhe ato të skive) janë pjesë e modës për stinën e

ftohtë. Forma: jo e rëndomtë.

8. Dorashka lëkure me ngjyrë. Këtë dimër dorashkat lëkurë - të shkurtra ose deri në bërryl - janë një must për çdo fanatike të modës.

9. Çizmet. Çizmet deri në kyçe e bëjnë look-un tuaj të këndshëm, të egër e seksi. Këpucët në anën tjetër do preferohen me gomë e taka shumë të larta e të trasha.

10. Për të plotësuar (dhe bërë kontrast), veshjet super-seksi.

Ngjyra dhe modele

Një gjë është e sigurt: e zeza do të sundojë modën e dimrit, e kombinuar me të verdhën apo të kuqen. Silueta duhet të jetë elegante dhe e gjatë. Fustanet dhe fundet janë fjala kyçe në veshjen që do flasë për ty. Pamja është femërore e seksi.

Përveç të zezës, grija dhe ngjyra e argjendtë përbëjnë tendencë, ndërsa ngjyra e artë humbet pikë (të paktën në modë).

Funde dhe fustane. Do dominojnë veshjet e dimrit. Propozime për pantallona thuajse nuk vijnë. Brezi mbetet i lartë.

Siluetë e zgjatur. Silueta për dimrin 2007-‘08 është elegante dhe sidomos shumë e stërzgjatur.

Stil sado-mazoCHIC

Moda për këtë dimër ka influenca fetish. Të rafinuara, por të pranishme. Takat agresive do të trembnin çdo mashkull. Zinxhirë metalikë në veshje, materiale lëkure, ngjyra të ndezura, që theksojnë format dhe shtojnë egërsinë te femrat.