TIRANE- Për të tretën herë Saimir Strati hyn në Gines. Mozaiku i tij "Mesdheu" realizuar me 300.000 mijë tapa verë hyn në librin e rekordeve botërore. Vendimin e ka dhënë Carlos Martinez, përfaqësues i jurisë së Londrës për "Guinness World Record". Në një ceremoni të organizuar në hotel "Sheraton", aty ku artisti ka punuar veprën e tij, ka marrë edhe çertifikatën e Gines. "Jam krenar që hyj për të tretën herë në Gines", është shprehur Strati. Ky është i pari mozaik në botë që bëhet me tapa vere. Punën për të Strati e ka nisur më 8 gusht dhe e ka përfunduar dje rreth orës 11:00 të paradites. Mozaiku ka përmasat e 96 metra katrorë, 13.5 x 7 metra. Ky është rekordi i tretë pas mozaikut me gozhdë "Leonardo Da Vinci" (2006) dhe "Shpirt i lirë" (2007), të krijuar me kunja dhëmbësh.

(s.g/BalkanWeb)