Seksi? Ne e bëjmë më mirë se në Hollivud

Duken përherë të bukur, arrijnë në orgazëm njëkohësisht dhe nuk mbrohen kurrë.

Ti ndonjëherë ndihesh keq, sepse seksi që bën ti dhe partneri yt nuk është përherë aq perfekt, por ja që ai është i vërtetë, ndërsa ai i kinemasë është ...fals. Ja mitet ...që bien

Skenat e seksit nëpër filma e kanë shkundur botën që në ditët e filmit pa zë, kur Rudolph Valentino e la dorën të rrëshqiste mbi gjoksin e Vilma Banky-t në 1926-ën në filmin “Son of the Sheik” e deri në ditët tona.

Por sekreti është që të mos e krahasojmë kurrë jetën tonë seksuale me atë të përkryerën nga ana koreografike, fizike dhe emocionale, që serviret nga Hollivudi. Sepse, sado seks të mirë të bësh, seksi i Hollivudit ngjan si ajo motra perfekte shtrigë, e cila gjithmonë do bëjë diçka që do dalë mbi ty.

Kështu që, thjesht për t’u argëtuar – dhe për të bërë të vdekshmet të ndihen më mirë – është përgatitur një listë me mitet më të mëdha të seksit të kinemasë dhe tregojnë se pse seksi i vërtetë mund të kënaqë më shumë.

1. Femrat arrijnë në orgazëm për 3 sekonda.

Një duzinë filmash e zmadhojnë këtë gënjeshtër. Si për shembull, në 2006-ën te “Catch & Release”, në skenën kur sapo Timothy Olyphant e afron pranë lavamanit partneren, Jennifer Garner, që fshihej pas perdes së dushit, dëgjon që ajo tjetra fillon menjëherë të thërrasë nga kënaqësia. Ju do pyesnit veten: Ku është nxehja paraprake? Ku është... klitori? Femrat vështirë ta arrijnë orgazmën vetëm me penetrim e jo më për pak sekonda.

Në jetën e vërtetë femrat nuk janë të gatshme të bëjnë seks për dy minuta, por meshkujt shpesh ngatërrohen nga Hollivudi e habiten se pse neve na duhet aq shumë kohë.

2. Brenda çdo femre është një striptiste që mezi pret të shfaqet.

Kanë kaluar dhjetëra vjet nga koha kur striptizi konsiderohej një provë në karrierën e aktoreve – kujto atë që e ktheu këtë tendencë në modë te “Striptease”: Demi Moore. Por cila aktore sot nuk e ka ekzekutuar fantazinë e striptizmit? Natalie Portman te “Closer”; Elisha Cuthbert te “The Girl Next Door”;  Lindsay Lohan te “I Know Who Killed Me”. Në kushte të tilla, si mund të krahasohesh me femrat e skenave të striptizit që shikon partneri yt?!

Ti ke plotësisht të drejtë të mos bësh asnjëherë striptiz gjatë jetës tënde, por, nëse ti je nga ato tipet që nuk dorëzohesh, mbaj mend këshillat e Playboy-it: (1) Asnjë nuk duket seksi duke hequr xhinset, ndërkohë që është më këmbë. Në të vërtetë, të gjitha llojet e pantallonave nuk janë aspak komode për t’u hequr. Duhet të jetë fund ose fustan! (2) Praktikohu me këngën e preferuar në sfond. (3) Vishu më pak rroba, por që të kenë shumë kopsa, që të mos gjendesh e zhveshur për 5 sekonda. (4) Takat të bëjnë seksi, sido që të jenë. (5) Tundja e vitheve ndërkohë që zbërthen ngadalë kopsat është e vetmja lëvizje që duhet të bësh.

3. Të bësh seks nëpër vende të pavolitshme, të vështira është shumë më eksituese!

Në Hollivudland, askush nuk ftohet në shi (“The Notebook”, “Match Point”); askush nuk bezdiset mbi piano (“Pretty Woman”), nëpër shkallë (“A History of Violence”, versioni i ri i “The Thomas Crown Affair”) apo në shinat e trenit (“Notes on a Scandal”) dhe askush nuk merr infeksion të rrugëve urinare duke zbritur në fund të pishinës apo vaskës, pa u lubrifikuar paraprakisht me përbërës kundra ujit (“Wild Things”). Kthehemi në jetën reale. Pak femra mendojnë që orgazmën e radhës ta provojnë në një vend larg shtratit të ngrohtë ose divanit.

Po nëse këmbëngulni për të bërë seks në shi ose në një vagon të boshatisur treni, kini parasysh këtë këshillë: Filloni nxehjen në shtëpi, kështu që të dy do shkoni drejt e në pikën e duhur kur të ndodheni në vendin e përcaktuar. Vish një fund që ngrihet lehtë për akses të menjëhershëm, por dhe që ulet për t’u mbuluar në rast se kapeni në flagrancë.

4. Të gjithë arrijnë në orgazëm njëkohësisht gjithmonë.

Në çdo vend të jenë ata, qoftë edhe të panjohur më parë me njëri-tjetrin, do arrijnë në të njëjtën kohë në orgazëm. Mesa duket, prodhuesit e filmave në Hollivud duan të na bëjnë të besojmë se orgazmat simultane janë një çështje përputhjesh në orare, si të kapësh autobusin. Por në jetën e përditshme rrallë mund të ndodhë. Nuk është si nëpër filma, kur dy të rinj arrijnë në orgazëm njëkohësisht dhe kur bëjnë seks të shpejtë në sediljen e pasme të makinës.

5. Askush nuk ndalon për të vënë prezervativin, edhe kur bëhet fjalë për seks me të panjohur.

Mendo njëherë rreth kësaj: kur ekrani është mbushur i tëri nga një çift që diskuton për  prezervativët, para se të hidhen në shtrat bashkë? “Knocked Up” (“Rastësisht shtatzënë”) është i vetmi film ku shfaqen prezervativët. Në të gjitha filmat, personazhet bëjnë seks të pambrojtur, ndonjëherë edhe sikur të mos njihen, dhe kjo ndodh që nga romancat, si “Love Actually”, te filmat më të sofistikuar, si “Femme Fatale” dhe “The Departed”. Sikur të tregonin ndonjëherë ndonjë si Eva Mendes, që të sugjeronte mbrojtje, edhe neve nuk do na dukej aq e papërshtatshme ta largonim partnerin kur nuk ka vënë prezervativ. 

6. Të gjithë duken të bukur gjatë seksit!

Skenat e ngrohta të seksit në filma, si “Shakespeare in Love” (“Shekspiri i dashuruar”) dhe “The Holiday” (“Pushimi”) apo në telefilmat për adoleshentë, si “The O.C.”, kjo është mëse e dukshme. Edhe në skenat e famshme të një seksi të fortë, flokët e Halle Berry-t nuk dridhen aspak. Por ne të gjitha e dimë që mund të jemi shtrirë edhe me të brendshme aspak sensuale dhe thjesht ka ndodhur ose gjithë trupi skuqet dhe fytyra shtrëngohet e shtrembërohet. Regjisorët harrojnë që mund të të lindë dëshira për seks edhe po të mos i kesh hequr qimet e këmbës para dy orësh.

7. Të bësh seks në këmbë nuk është e vështirë!

Të gjitha kemi provuar të bëjmë seks në këmbë dhe e vërteta është kjo: ai duhet të përkulet në mënyrë të parehatshme, penisi rrëshqet jashtë dhe, sa më e madhe diferenca në gjatësi, aq më të vështira bëhen gjërat. Ne nuk mund ta përfytyrojmë se si Keira Knightley dhe James McAvoy arrijnë në “Atonement” (“Shlyerja e fajit”) të bëjnë seks aq orgazmik, duke qëndruar në këmbë. Dhe ruhuni nga seksi në këmbë në dush: mund të rrëshqisni dhe mbajtësja e sapunit nuk është aq e fiksuar sa duket. Ose merrni parasysh ndonjë kërbishte të dëmtuar.

Diçitura

2 Natalie Portman si Alice  te “Closer”

2 Lindsay Lohan te “I Know Who Killed Me” (“Unë e di kush më vrau”)

3 Noah (Ryan Gosling) dhe Allie (Rachel McAdams) te “The Notebook” (“Blloku i shënimeve”)

5 “The departed” askush nuk kujtohet për prezervativ, dhe pse Leo di Caprio është një tip horri

6 “Dirty dancing” (“Kërcim dashurie”) Patrick Swayze dhe Jennifer Grey

6 “Shakespeare in Love” (Shekspiri i dashuruar”) – Shihni çfarë drite!

7 Stella (Angela Bassett), që kapet pas Winston-it(Taye Diggs) në filmin “How Stella Got Her Groove Back” (“Si iu kthye Stelës lumturia”)