SHKODER- Grupi artistik "Rozafa" i Pallatit të Kulturës "Pjetër Gaci" në Shkodër, zuri vendin e dytë në Festivalin e 8-të Ndërkombëtar të Muzikës Folklorike dhe Popullore, që u zhvillua nga data 22-23 gusht në qytetin Vodnjan të Rajonit të Istrias, në Kroaci. Në këtë festival, i cili titullohej "LERON" (emër ky i një vegle muzikore tradicionale që kishin banorët e kësaj zone), grupi nga Shkodra spikati gjatë prezantimit të tij mes 10 grupeve pjesëmarrëse. Ky aktivitet u organizua nga komuniteti italian në Rajonin e Istrias. Ishte hera e parë që grupi artistik "Rozafa", mori pjesë në një eveniment të tillë artistik si i ftuar nderi dhe ia arriti qëllimit, duke u renditur në vendin e dytë.

(s.g/Balkanweb)