SHKUP- Shtëpia e re e “Nënë Terezës“ që do të ringrihet në Shkup do ketë arkitekturë maqedonase, plan projekti eshte prezantuar nga projektuesi maqedonas, Vangel Bozhinovski. Bozhinovski eshte shprehur se siperfaqja e shtepise perkujtimore do te jete 592 metra katror dhe do ndertohet sipas stilit te arkitektures maqedonase. Por projekti ka sjelle reagimin e menjehershem te historianeve shqiptare. Ne nje deklarate publike te shoqates se histroianeve shqiptare ne Maqedoni shprehet shqetesimi se projekti me "bie ndesh me arkitekturën autentike të objektit".
Shtëpia përkujtimore e “Nënë Terezës“ nuk ndërtohet atje ku dikur ndodhej shtepia e saj e lindjes ne qender te kryeqytetit ne Shkup, por e spostuar rreth 500 metra në perëndim, në një hapësirë para Shtëpisë së Ushtrisë, ku ndodhet dhe një kullë feudale në të cilën janë ekspozuar disa sende që lidhen me jetën dhe veprimtarinë e “Nënë Terezës“. Shoqata e historianeve kritkon zhvendosjen e shtepise ne nje vend sipas tyre krejt pa vlere dhe gjithcka sipas tyre  behet me synime politike për të zhveshur përfundimisht sheshin e qytetit nga elementi shqiptar",Per ndertimin e objektit qeveria maqedonase ka akorduar nje fond prej afro 140 milione dinare dhe pritet te perfundoje pas kater muajsh.
(B.Ajazi-news24/balkanweb)