Rikoshetë e fatit

Shumë herë është thënë se objekti ku aktualisht gjendet Galeria e Arteve të Kosovës nuk i plotëson as për së afërmi nevojat e një institucioni ku duhet të ruhen dhe të promovohet vlerat e artit pamor. Po thuajse ka më se dy vjet që Ministria e Kulturës ka të gatshëm projektin ideor për ndërtimin e Muzeut të Arteve Moderne, por ende nuk ka ndonjë përgjigje se ku do të ndërtohet ky objekt dhe për kohën e fillimit të ndërtimit. Ish-drejtori i GAK-së, Luan Mulliqi, disa herë për medie kishte deklaruar se lokacioni për ndërtimin e këtij objekt ishte caktuar pranë objektit aktual të GAK-së. “Kemi kërkuar nga Komuna e Prishtinës që të na caktojë një lokacion për ndërtimin e objektit të Muzeun e Arteve Moderne. Na është caktuar lokacioni që do të jetë afër objektit të sotëm të Galerisë së Arteve”�, është shprehur Mulliqi shprehur Mulliqi në një prononcim për “Kosova Sot”�. Por, ende nuk ka dëshmi bindëse se është caktuar ky lokacion, edhe pse zyrtarë të Ministrisë së Kulturës deklarojnë se me konsultime që kanë pasur me zyrtarë komunalë të Prishtinës, lokacioni i ndërtimit të objektit të Muzeut të Arteve Moderne është caktuar të jetë brenda hapësirës universitare të Universitetit të Prishtinës. Sipas tyre, aty edhe duhet të dërgohet kërkesa për ndërtimin e këtij objekti. Pa sqaruar sa a është  bërë një kërkesë e tillë nga Ministria e Kulturës, Arbërore Riza, zëdhënëse dhe këshilltare e ministrit të Kulturës, Valton Beqiri, është shprehur se edhe në bazë të konsultimeve me zyrtarë komunalë, lokacioni i paraparë për ndërtimin e objektit të Muzeut të Arteve Moderne është në kompleksin universitar, i cili e ka përgjegjësinë për ndërtimin e objekteve në kuadër të këtij kompleksi”�, është shprehur ajo. Andaj, sipas saj kërkesa për caktimin e lokacionit do të adresohet në strukturat e larta të Universitetit të Prishtinës dhe nëse kërkesa refuzohet, Ministria e Kulturës do të kërkojë përsëri nga KK i Prishtinës të gjendet një lokacion për këtë.  Interesimin e tij për ndërtimin e një objekti të ri për GAK-në e ka shprehur edhe drejtori i ri i GAK-së, Fahredin Spahija. Në një prononcim për “Kosova Sot”�, Spahija është shprehur se ai do të angazhohet në gjetjen e një lokacioni të përshtatshëm për ndërtimin e këtij objekti shumë të rëndësishëm. Ai shpreson se kontaktet që do të realizojë me autoritetet e komunës së Prishtinës do të rezultojnë me sukses në drejtim të ndërtimit të objektit të Muzeut të Arteve Moderne. “Ndërtimi i këtij objekti vital për artet e Kosovës do jetë dhe arritja kulmore në detyrën time si drejtor i Galerisë. Shpresoj të realizohet kjo ëndërr e madhe”�, është shprehur drejtori Spahija.
I. VATOVCI