Gjilan, 26 qershor
Në një akademi solemne letrare, mbrëmë në Gjilan, iu dorëzua çmimi letrar “Beqir Musliu”� fituesit të sivjetëm, poetit të mirënjohur të letrave shqipe Visar Zhiti. Ky çmim, i cili u themelua para pesë vjetësh, Zhitit iu dorëzua nga kryetari i komunës, Qemajl Mustafa, në një ceremoni solemne, ku ishte i pranishëm edhe ambsadori i Shqipërisë në Kosovë, Islam Lauka, pastaj zëvendësministrja e Kulturës, Lirije Kajtazi, si dhe poetë e dashamirë të lëtërsisë.
Duke uruar laureatin e sivjetëm, të katërtin me radhë, por të parin jashtë Kosovës, që merr çmimin “Beqir Musliu”�, kryetari i Komunës së Gjilanit, Qemajl Mustafa, tha se është puna krijuese e me vlerë e Beqir Musliut, ajo që na ka bashkuar sonte, sikurse edhe puna dhe vlerat e bashkëkohanikëve të tij, si Visar Zhiti dhe të tjerë, të cilët me dinjitet po e ruajnë vazhdimësinë krijuese. Ai tha se ky çmim nuk është i madh për nga shuma e mjeteve, por është i rëndësishëm, sepse mban emrin e poetit dhe krijuesit gjilanas Beqir Musliu.
Në emër të jurisë, e cila ishte e përbërë nga Musa Ramadani, Prend Buzhala dhe Albinë Idrizi, arsyetimin e për ndarjen e çmimit shkrimtarit Visar Zhiti, i cili i ka tejkaluar tashmë kornizat kombëtare në letërsi dhe është nderuar edhe me çmime ndërkombëtare, e paarqiti Albinë Idrizi. Duke përmendur disa nga arsyet, ajo tha se Zhiti është krijues që e përjetoi, e mbijetoi dhe e sfidoi diktaturën në Shqipëri. Ai është njëri ndër personalitet epiqendrore të letërsisë së sotme shqipe, i njohur, i përkthyer dhe i vlerësuar në Evropë e në Amerikë. Për shkak të poezisë iu vunë prangat në moshë të re, kur po punonte si mësues në një fshat të Kukësit. Pas rënies së komunizmit, Zhiti i botoi krijimet letrare, të cilat i kishte shkruar fshehurazi nëpër burgje. “Është e tmerrshme të dënosh të tjerët për poezitë e tyre.
Kështu më shumë jemi të vetëdënuar. Kush jemi ne që kemi të drejtë të dënojmë. Unë si jurist, ul kokën tani dhe, po të kisha togën e gjykatësit këtu, do t'ia jepja Visar Zhitit”�, kishte deklaruar kryetari i shoqatës evropiane të juristëve-shkrimtarë, Gennaro Francione. Pra, poezia e Visar Zhitit doli fitimtare mbi diktaturën, sespe historia i dha të drejtë shkrimtarit që nuk e kishte ndryshuar qëndrimin e tij, ka thënë Albinë Idrizi, anëtare e jurisië.
Ndërkaq, një vështrim mbi krijimtarinë letrare të fituesit të çmimit e bëri kritiku Prend Buzhala, i cili tha se Visar Zhiti është autor i shumë veprave me vlera të pakontestueshme në hapësirat gjithëkombëtare dhe më gjerë, për çka ka marrë disa çmime edhe jashtë Shqipërisë.
“Krijimtaria e Zhitit triumfoi mbi diktaturën dhe u  bë mbrojtëse e artit modern shqiptar”�, ka thënë Buzhala.
Ambasador i Shqipërisë në Kosovë, Islam Lauka, pjesëmarrës në këtë akademi, ka thënë se pavarësisht ndarjes fizike të shqiptarëve, për një kohë të gjatë, shqiptarët gjithmonë kanë qenë të lidhur shpirtërisht mes tyre dhe kjo po dëshmohet tani me hapjen e rrugës së kombit, e cila u përurua sot, por edhe me ndarjen e çmimit “Beqir Musliu”� poetit Visar Zhiti, të cilin ai e cilësoi “princ të Gjilanit”�, tash e tutje.
Lidhjen shpirtërore mes Kosovës dhe Shqipërisë, Gjilani po e forcon edhe më shumë me ndarjen e këtij çmimi letrar për Visarin, tha ambasadori Lauka.
Kurse laureati Visar Zhiti tha se me Kosovën është i lidhur pothuajse më shumë se me vendlindjen e tij, sepse ai dhe Kosova i kanë të përbashkëta robërinë dhe burgun. “Kosova është metafora e ëndrës së atdheut”�, tha Zhiti, i cili është edhe autor i librit “Si shkohet në Kosovë”�, ku zbërthen ëndërën e tij të madhe për ardhjen në Kosovë, në të cilën ai ka besuar gjithmonë se një ditë do t`i bëhet realitet. Ai foli edhe për zhvillimet e përgjithshme në letërsisë shqipe, që nga fillimet, me ”Mesharin' e Buzukut e deri sot, duke kërkuar që trashëgimia krijuese të ruhet me fanatizëm, sepse është e nevojshme për ta shtuar dhe forcuar lirinë, të cilën kurrë nuk e patëm të bollshme ne shqiptarët. Kosova dhe Çamëria e ëndëruan gjatë lirinë, por u bënë ëndërr vetë për një kohë të gjatë, ndërkohë që Kosova ia arriti qëllimit të saj dhe sot ndjehet në e lirë, Qamëria ende ka plagë, ka thënë Zhiti.
Një kontribut të veçantë për këtë ngjarje të madhe kulturore e kanë dhënë drejtoria komunale e kulturës dhe Ars Klub “Beqir Musliu”�.
Ilmi MUSLIU