Heqja e plotë e qimeve nga pjesët intime të trupit mund të shkaktojë infeksion, por edhe gjakderdhje

Pasi që, për shkak të infeksionit të shkaktuar nga depilimi brazilian, dy gra kishin përfunduar në spital, qeveria lokale e shtetit amerikan, Nju Xhërsi, do që ta ndalojë plotësisht depilimin e pjesëve intime. Këtë e shpjegojnë me faktin që dylli i nxehtë në pjesë të ndjeshme të trupit mundet të shkaktojë jo vetëm irritim dhe infektim të lëkurës, por edhe gjakderdhje dhe dëmtim të përhershëm të indit të gjenitaleve. Me mendimin e tyre pajtohen edhe dermatologët. Megjithatë, komplikimet për shkak të depilimit brazilian nuk janë aq të shpeshta, gjë që varet edhe nga përvoja e atij (ekspertit) që e kryen. Më së miri është që të bëni dush para depilimit, meqë në këtë mënyrë largohen bakteret. Gratë që janë të prira që të kenë infeksion të lëkurës, më mirë është që të bëjnë depilim egjiptian, me pastë të sheqerit dhe me rruarje me zhiletë për një përdorim.
Depilimi brazilian, i njohur edhe me emrin depilimi tango, apo edhe ”playboy', është bërë i famshëm nga valltaret braziliane të valles sambo. Ndër të famshmet që preferojnë dhe promovojnë depilimin brazilian janë edhe aktorja Eva Longoria dhe këngëtarja Viktoria Bekam. Ato thonë se depilimi i tillë ua ka përmirësuar dukshëm jetën seksuale, duke ua rritur humorin (disponimin) dhe epshin seksual.