Nenkryetari i Grupit socialist, Erion Brace, kerkoi dje me urgjence qe Kryeministri Sali Berisha te raportoje me shkrim ne Kuvend per tragjedine e Gerdecit. Ne fakt, nje kerkese te tille PS e ka bere disa dite pas ndodhjes se tragjedise, ku si pasoje e shperthimit te fabrikes se demontimit te armeve humben jeten 26 persona e u plagosen qindra te tjere. Sipas Braces, PS nuk do te heshte ne asnje seance plenare, por do te kerkoje me ngulm nga Kuvendi qe Kryeministri te pergjigjet per krimin shteteror. E per te, partine me te madhe te opozites, nuk eshte aspak problem nese kreu i qeverise pergjigjet me shkrim apo goje. Nga ndodhja e tragjedise me 15 mars te ketij viti, e deri me sot, socialistet kane fajesuar direkt Kryeministrin per te. Madje, kane kerkuar doreheqjen e Sali Berishes nga kreu i ekzekutivit ne menyre qe dhe ai, si ish-ministri i Mbrojtjes, Fatmir Mediu, te vihet para drejtesise per hetime. Sipas PS-se, Berisha nuk duhet te fshihet pas disa personave, emrat e te cileve jane bere publike se kane gisht ne tragjedine e Gerdecit. Perkundrazi, duhet te marre mbi supe pergjegjesite e tij si kryetar qeverie.