Haxhinasto: OSBE-ja të ndërhyjë edhe për reformën zgjedhore

Supermarket Meico

Revista MAPO ka mundur të krahasojë një vendim të qeverisë për afatet e përdorimit të armëve dhe pajisjet e Forcave të Armatosura me ato çfarë mund të tregtohen legalisht nga MEICO: nuk ka mbetur asgjë, nga avionët, anijet, tanket e deri tek municionet. Gjithçka duhet të dalë jashtë depove dhe të asgjesohet. Ikin dhe raketat SAM-2, krenaria e dikurshme e paradave komuniste »»

Haxhinasto: OSBE-ja të ndërhyjë edhe për reformën zgjedhore

20.07.2008 14:01 Politike - Burimi: SHQIP Politike

Deklarata e bërë dy ditë më parë nga OSBE-ja e cila i kërkonte Kuvendit që të mos i miratonte me nxitim e sipër ligjet e rëndësishme, ka gjetur mbështetjen e LSI-së. Funksionari i kësaj partie, Edmond Haxhinasto, duke shprehur mbështetjen për qëndrimin e OSBE-së, tha se "ambasadori i Prezencës së OSBE-së në Tiranë, Bosch, kërkoi një proces gjithëpërfshirës dhe një debat më serioz në shqyrtimin dhe miratimin e legjislacionit nga Kuvendi i Shqipërisë". Ai shtoi se "shqetësimi i OSBE-së për procesin e miratimit të legjislacionit dhe cilësisë së tij përbën gjithashtu një nga kritikat më të ashpra që Bashkimi Evropian bën për Shqipërinë në Progres-Raportin e vitit 2007". Sipas tij, kjo praktikë jotransparente legjislative e Kuvendit arriti kulmin me mënyrën se si u miratuan ndryshimet kushtetuese të natës së 21 prillit, të cilat po japin pasojat e tyre negative kryesisht në drejtim të revanshit të kësaj mazhorance drejt një pushteti të pavarur siç është gjyqësori. "Në emër të LSI-së i kërkojmë OSBE-së dhe ODIHR-it, Komisionit Evropian dhe partnerëve tanë euroatlantikë, që të angazhohen me vëmendje dhe kujdes shumë më të madh, për të garantuar legjitimitetin e procedurave dhe standardeve ligjore të Kodit të ri Zgjedhor, në mënyrë që Shqipëria të organizojë zgjedhje të lira e të ndershme në vitin 2009 dhe të hiqet nga lista e zezë e vendeve problematike", është shprehur Haxhinasto. Për Lëvizjen Socialiste për Integrim, një angazhim i tillë nga komuniteti ndërkombëtar, organizatat dhe vendet partnere është një domosdoshmëri, duke pasur parasysh edhe përvojat tepër të hidhura të mosveprimit të tyre në të kaluarën, sidomos në parandalimin e megadushkut në vitin 2005, ndonëse i paralajmëruar në kohë nga LSI-ja. Shqiptarët, sipas LSI-së, meritojnë të ecin me shpejtësi drejt Evropës dhe nuk mund të mbeten peng i papërgjegjshmërisë së politikës së vjetër për të ofruar standarde evropiane, ndër të cilat zgjedhjet e lira e të ndershme janë më themeloret.

Artikullin origjinal mund ta lexoni ketu

lajme.parajsa.com