LSI-ja kërkesë ndërkombëtarëve: Garantoni procedurat për reformën zgjedhore

“Armë shqiptare në Gjeorgji?” Berisha thërret sot në zyrë ambasadorin rus

Janë shitur armë në Gjeorgji apo armë shqiptare janë gjetur në Gjeorgji? Mes akuzës së parë të bërë nga Rusia dhe deklaratës së zbutur të dytë, të bërë nga ambasadori rus në Tiranë, është krijuar një hendek i madh në marrëdhëniet midis Shqipërisë dhe këtij shteti. »»

LSI-ja kërkesë ndërkombëtarëve: Garantoni procedurat për reformën zgjedhore

20.07.2008 18:04 Politike - Burimi: Metropol Politike

Lëvizja Socialiste për Integrim u bëri thirrje dje organizmave ndërkombëtarë që të angazhohen maksimalisht për të garantuar legjitimitetin e procedurave dhe standardeve ligjore të Kodit të ri Zgjedhor. Përmes një deklarate për shtyp LSI-ja kërkoi nga OSBE-ja, ODIHR-i, Komisioni Evropian dhe institucionet e tjera ndërkombëtare që të angazhohen me një vëmendje dhe kujdes shumë më të madh për të garantuar legjitimitetin e procedurave dhe standardeve ligjore të Kodit të ri Zgjedhor, në mënyrë që Shqipëria të organizojë zgjedhje të lira e të ndershme në vitin 2009 dhe të hiqet nga lista e zezë e vendeve problematike. “Një angazhim i tillë nga komuniteti ndërkombëtar, organizatat dhe vendet partnere është një domosdoshmëri, duke pasur parasysh edhe eksperiencat tepër të hidhura të mosveprimit të tyre në të kaluarën, sidomos në parandalimin e megadushkut në vitin 2005, ndonëse i paralajmëruar në kohë nga LSI-ja”, - thuhet në deklaratë. Sipas saj, shqiptarët meritojnë të ecin me shpejtësi drejt Evropës dhe nuk mund të mbeten peng i papërgjegjshmërisë së politikës së vjetër për të ofruar standarde evropiane, ndër të cilat zgjedhjet e lira e të ndershme janë më themelorët. Gjithashtu LSI-ja përshëndeti deklaratën e ambasadorit të OSBE-së Robert Bosch, i cili ka kërkuar një proces gjithëpërfshirës dhe një debat më serioz në shqyrtimin dhe miratimin e legjislacionit nga Kuvendi i Shqipërisë. “Por kujtojmë se shqetësimi i OSBE-së për procesin e miratimit të legjislacionit dhe cilësisë së tij përbën gjithashtu një nga kritikat më të ashpra që Bashkimi Evropian bën për Shqipërinë në Progresraportin e vitit 2007. Kjo praktikë jotransparente legjislative e Kuvendit arriti kulmin me mënyrën se si u miratuan ndryshimet kushtetuese të natës së 21 prillit, të cilat po japin pasojat e tyre negative kryesisht në drejtim të revanshit të kësaj maxhorance drejt një pushteti të pavarur, siç është gjyqësori”, - thuhet në deklaratë.

Artikullin origjinal mund ta lexoni ketu

lajme.parajsa.com